Сар бүр барилгын салбарын сонирхолтой мэдээ мэдээлэл, мэргэжлийн зөвлөмж, ярилцлага нийтлэлээ уншигч та бүхэнд хүргэж байдаг “Барилга.МН” сэтгүүлийн шинэ дугаар уншигчдын гарт хүрлээ. Энэ удаагийн дугаартаа бид эрчим хүчний салбар, цахилгааны хэрэглээг онцлон, энэ чиглэлээр дагнасан мэдээллийг бэлтгэлээ.

     Дугаарын зочин болсон “Эрчим хүчний барилга угсралтын трест” компанийн дэд захирал Г.Эрдэнэбаатарын тухай хөрөг нийтлэл, Барилга хот байгуулалтын сайд З.Баянсэлэнгэтэй цаг үеийн асуудлаар хийсэн ярилцлага, барилгын салбарт болсон дотоод, гадаадын үйл явдлын мэдээ, МХЕГ-ын Дэд бүтцийн газрын дарга Б.Жаргалын Барилгын хяналт тогтолцооны тухай ярилцлага, Улаанбаатар хотын үл хөдлөх хөрөнгийн зах зээлийн сонирхолтой мэдээлэл, Японы хөрөнгө оруулагчдын сонирхлыг аль бүс нутгийн зах зээлүүд татаж эхлээд байгаа талаарх судалгаа, тоо баримт бүхий нийтлэл зэргийг шинэ дугаараас хүлээн авч уншаарай.




     Түүнчлэн өрхийн сарын цахилгааны хэрэглээний тооцоо, цахилгаан шугам сүлжээнд гаргадаг нийтлэг алдаанууд, эрчим хүчээ хэмнэх энгийн зөвлөмжүүд болон разетканы олон улсын стандарт хэрэглээний тухай, интерьер дизайны сонирхолтой мэдээллийг бид бэлтгэлээ. Мөн уламжлал болгон сар бүр шинэчлэн гаргадаг нийслэл хотод хэрэгжиж, зах зээлд борлуулагдаж буй шинэ орон сууцны үнийн мэдээлэл, барилгын материалын үнэ ханшийн хамгийн сүүлийн үеийн судалгааг та зөвхөн манай сэтгүүлээс унших боломжтой.