Монголын Сайтын Холбооноос хоёр жилд нэг удаа зохион байгуулдаг “WEB AWARDS” цахим салбарын оны тэргүүнийг шалгаруулах ёслол хүндэтгэлийн арга хэмжээ өнөөдөр боллоо.

Тус наадам нь зах зээлд тэргүүлэгч сайтууд, нийгмийн хөгжлийг дэмжигч байгууллагуудыг тодруулдаг юм. Энэ удаагийн арга хэмжээнд 17 номинаци, нийгмийн хөгжлийг дэмжигч зургаан номинациар шилдгүүдийг тодруулав. Үүнээс “Бизнес мэдээллийн Шилдэг сайт”-аар “Барилга.МН” сайт шалгарлаа.

Тус сайт нь барилгын салбарын мэдээ, мэдээллийг олон нийтэд хүргэж, энэ салбарынхны дуу хоолой болж байдаг тэргүүлэх мэдээллийн хэрэгслүүдийн нэг билээ. Сайтын шинэчлэлээ амжилттай хэрэгжүүлж буй “Барилга.МН” нь салбарын 1000 гаруй аж ахуйн нэгж байгууллагуудын мэдээлэл, 10 мянга гаруй барилгын материал, орон сууцны мэдээллийг олон нийтэд амжилттай хүргэн ажиллаж байна.

“WEB AWARDS” наадмаас шагнал хүртсэн бүх албан байгууллагууд, хувь хүмүүс, сайтууддаа ажлын амжилт хүсч, баяр хүргэе.