Гонконг орон сууцны үнийн түвшингээрээ дэлхийд тэргүүлж байна

Гонконг орон сууцны үнийн түвшингээрээ дэлхийд тэргүүлж байна
     CBRE судалгааны байгууллагаас гаргасан Дэлхийн амьжиргааны түвшингийн тайлан мэдээгээр Гонконг орон сууцны үнээрээ дэлхийн томоохон хотуудыг тэргүүлж байна. Тус хотод орон сууцны 0,3 ам метр талбайн дундаж үнэ 1,416 ам.доллар байгаа аж. Түүний дараа Лондон 1,025 ам.доллар, Нью-Йорк 842 ам.долларын дундаж үнээрээ удаалжээ. Харин Азид үл хөдлөх хөрөнгийн үнэлгээгээрээ тэргүүлж буй 10 хотын жагсаалтын тав болон зургадугаарт орсон Сингапур, Токиод дундаж үнэ 810 ба 697 ам.доллар байна.

Дэлхийн хамгийн өндөр үнэтэй үл хөдлөх хөрөнгө бүхий 10 хот
 
  Тэргүүлэгч 10 хот Үл хөдлөх хөрөнгийн дундаж үнэ (0,3 ам метр талбайн дундаж үнэ )
1 Гонконг 1,416
2 Лондон 1,025
3 Нью-Йорк 842
4 Парис 817
5 Сингапур 810
6 Токио 697
7 Лос-Анжелес 671
8 Милан 544
9 Ром 524
10 Эдинбург 512
 
     CBRE байгууллагын Ази номхон далайн судалгаа хариуцсан захирал Хенри Чин, “Орон сууцны дундаж үнийн судалгаагаар Гонконг хамгийн өндөр үнэтэй байршил гэсэн байр сууриа авч үлдлээ. Бид дэлхийн санхүүгийн хямралын дараа хүчтэй сэргэж буй орон сууцны зах зээлүүдэд энэ судалгааг хийсэн. Дэлхийн хүн ам өсөж, эдийн засаг хөгжиж байгаа гэх хоёр хүчин зүйл нь энэ бүсийн үл хөдлөх хөрөнгийн зах зээлийн гол эрэлтийг хадгалсаар байна. Даяаршил, цагаачлал нь амьдралын хэв маягт нөлөөлснөөр, Ази номхон далайн бүст орон сууцны зах зээлүүд илүү нэгдмэл, харилцан хамааралтай болж байна” хэмээн ярьсан юм.




     Энэхүү тойм судалгаагаар олон улсын томоохон 31 хотын орон сууцны үнэ, түрээсийн хөлсний өсөлт, амьжиргааны түвшин болон бусад хүчин зүйлсийг харьцуулан үзжээ. Тухайлбал, Ази номхон далайн бүст хамаарах хотуудын тухайд:

Бангкок. Олон өнгө хослуулсан Бангкок хотод амьжиргааны зардал маш боломжийн, мөн ажилгүйдлийн түвшин маш доогуур буюу 1,1 хувь байдаг. Захиалга авч буй хамтын эзэмшлийн орон сууцны үнэ 30 хувиар өссөнөөр тансаг зэрэглэлийн үл хөдлөх хөрөнгийн борлуулалт сайжирчээ. Тайландад худалдан авагчид шинэ хэрэгжиж буй төслүүдийг илүүтэй сонирхож байгаа нь хуучин байрны үнэ тогтворжиход нөлөөлсөн байна.

Бээжин. Энэ нь 22 сая хүн амтай, ач холбогдлоороо Шанхайн дараа бичигддэг хот юм. Ирэх 10 жилд Бээжингийн хүн амыг 16 хувиар өснө гэсэн таамаг бий. Хятадын Засгийн газраас орон сууцны зах зээлийг дэмжсэн хэд хэдэн арга хэмжээг хэрэгжүүлснээр үл хөдлөх хөрөнгийн борлуулалт нэг улирлын дотор 25 хувиар өссөн үзүүлэлттэй байна.

Гонконг: Тэнгэр баганадсан өндөр барилгуудаараа алдартай Гонконг нь орон сууцны дундаж үнэ нь хамгийн өндөр байгаагаараа бусад хотуудыг тэргүүлжээ. Тус хотод 0,3 ам метр талбайн дундаж үнэ 1,416 ам.доллар байгаа юм. Тусгай хуулийн төсөл танилцуулах, зээлийн бодлогыг чангатгах зэрэг арга хэмжээ авсан ч орон сууцны үнэ нэмэгдсээр, 2014 онд 13,5 хувь, энэ оны эхний таван сарын байдлаар 7,2 хувиар өссөн дүн гарчээ.

Мумбай. Энэтхэгийн хамгийн том хот болох Мумбайд 12,544,000 хүн амьдардаг ч энэ нь улсын нийт хүн амын дөнгөж нэг хувь нь аж. Дэлхийд гуравдугаарт тооцогдох энэ том улсын эдийн засгийн ерөнхий төлөв сайжирч, өнгөрсөн онд 7,3 хувь байсан ДНБ нь 7,5 хувьд хүрнэ гэж ажиглагчид таамаглажээ. Түрээсийн зах зээлийн орчин таатай байгаа ч өнгөрсөн онд аажмаар буюу 1,8 хувиар буурсан үзүүлэлттэй гарсан аж. Энэтхэгийн орон сууцны түрээсийн сарын дундаж үнэ 1,306 ам.доллар, Мумбайд 1,496 ам.доллар байна.

Шанхай. 24,3 сая хүн амьдардаг Шанхай бол дэлхийн хамгийн том хот билээ. Ирэх 10 жилд энэ хотын хүн амыг 13,3 хувиар өснө гэж судлаачид үзжээ. 2013 онд үл хөдлөх хөрөнгийн зах зээл дэх хөөс хагарснаар засгийн газар орон сууцны үнийг бууруулах арга хэмжээ авч эхэлсэн. 2015 оны гуравдугаар сард Хятадын “Ард түмний банк” анх удаа орон сууц худалдан авч буй иргэдэд үнийг доод хэмжээнд нь хүртэл хямдруулах боломж олгож, залуусыг дэмжсэн байна.

Сингапур. Сингапурын хүчирхэг эдийн засаг, өрсөлдөх чадвар зэрэг нь үл хөдлөх хөрөнгийн зах зээлийг дэмжсээр иржээ. Сүүлийн 10 жилийн хугацаанд орон сууцны үнэ жил тутам найман хувийн өсөлттэй байв. Засгийн газраас үнэ ханшийг хямдруулах тал дээр анхаарсан ч, үл хөдлөх хөрөнгийн дундаж үнэ өндөр хэвээр буюу 889,200 ам.доллар байгааг CBRE онцолжээ.

Сидней. Сиднейн банкуудын нэгдэл нь Ази номхон далайн бүс нутагтаа хэдийнэ танигдсан, санхүүгийн хүчирхэг нэгдэл болж чадсан. Гэвч тус хотод орон сууцны эрэлт өндөр, нийлүүлэлт хомс байсан нь үнэ өсөхөд нөлөөлжээ. 2013-2014 онд 39,114 айлын орон сууц ашиглалтад оруулжээ. Өнгөрсөн онд Сиднейд орон сууцны дундаж үнэ 12,9 хувиар өссөн нь улсын ерөнхий дундаж үнээс 38 хувиар өндөр байгаа юм.

Токио. Токио бол дэлхийн хамгийн том эдийн засгийн бүс. 2012 онд тус хотын ДНБ нь 1,9 их наяд ам.долларт хүрч байжээ. Орон сууцны зах зээл нь дэлхийн санхүүгийн хямралын нөлөөнд автсан ч, 2010 онд дахин сэргэсэн юм. Токиогийн хүн амын хагас нь хувьдаа үл хөдлөх хөрөнгө эзэмшдэг бөгөөд орон сууцны 0,3 ам метр талбайн дундаж үнэ 697 ам.доллар байгаа аж.
 

Холбоотой мэдээ