Жил жилээр улиран одох цаг хугацааны аясаар он солигдох бүрт хийсэн бүтээсэн ажлаа дүгнэн, цаашдын зорилгоо тодорхойлох хариуцлагатай нэгэн мөч хэн бүхний өмнө ирдэг. “Barilga.MN” сайтын хамт олны хувьд өнгөрсөн онд вэбийн шинэчлэл хийх ажилд түлхүү анхаарч, гишүүн байгууллагуудын эрх ашиг, сонирхлыг дээдэлсэн, тэдний үйл ажиллагааг олон нийтэд таниулан сурталчлахад нэн чухал үүрэгтэй олон давуу талыг бий болгохын төлөө хичээн ажиллалаа. Мөн барилгын салбарын хараат бус мэдээ нийтлэл, шинэ орон сууцны төслүүд, барилгын материалын үнэ ханш, шинэ дэвшилтэт техник технологи, зөвлөгөө мэдээллийг уншигчиддаа хүргэх эрхэм үүргээ биелүүлсээр бид бас нэгэн шинэ онтойгоо золгож байна.

     Барилгын салбарынхны дуу хоолой болж, цаг үеийн мэдээ мэдээллийг тогтмол хүргэхийн зэрэгцээ гишүүн, харилцагчдынхаа хүрээнээс хальж, барилгын салбарынхаа бүхий л төрийн болон төрийн бус мэргэжлийн байгууллага, аж ахуйн нэгжүүдийн хоорондын харилцааны гүүр болон ажиллаж буй  “Barilga.MN” сайт нь үйл ажиллагааныхаа үр дүн, ололт амжилтаараа 2015 оны “Бизнес мэдээллийн шилдэг сайт”-аар шалгараад байна.

     Энэ амжилт та бидний хамтын ажиллагааны үр дүн учир урам, баяраа бүхий л харилцагчидтайгаа хуваалцаж байна. Хамтын хүч, хичээл зүтгэлээр бий болдог амжилтын төлөө бидэнтэй нэгдэн ажилладаг харилцагчид, гишүүн байгууллагууд, уншигч та бүхэндээ ирж буй шинэ ондоо хүссэн зорьсон бүхэн тань биеллээ олж, ихийг хийж бүтээх ерөөлийг дэвшүүлж байна.
 

"BARILGA.MN" САЙТ