Орон сууцны зээлийн урьдчилгаа 30 хувийг 10 хувь болгон бууруулах шийдвэрийн хэрэгжилтийг хүлээж буй, мөн хуучин орон сууц худалдан авахаар төлөвлөж байгаа иргэдэд зориулан үнэ ханшийн дэлгэрэнгүй мэдээллийг хүргэе. Өнгөрөгч 10-р сарын байдлаар 1-4 өрөө хуучин орон сууцнуудын дундаж үнийг өмнөх сарынхтай харьцуулбал, 1 ба 4 өрөө байрны үнэ бууралттай, 2-3 өрөө байрны үнэ өсөлттэй гарчээ.

     "Real Properties Ulaanbaatar” компанийн судлаачид энэхүү судалгаандаа хуучин орон сууцны 461 борлуулах зарын мэдээллийг цуглуулан, дүн шинжилгээ хийсэн байна. Тус компанийн сар тутам эрхлэн гаргадаг “Улаанбаатар хотын үл хөдлөх хөрөнгийн зах зээлийн 2015 оны 10 сарын тойм”-ын хуучин орон сууцны ханш, түүнд нөлөөлж буй хүчин зүйлсийн талаарх дэлгэрэнгүй мэдээллийг хүлээн авна уу.