“Барилгын Зөвлөгөө Мэдээллийн Төв”-өөс зохион байгуулж буй “BARILGA BILLIARD-2015” тэмцээн ийнхүү эхлэж байна. Тус тэмцээн нь барилгын салбарын аж ахуй нэгж, байгууллагуудын бизнесийн хамтын ажиллагааг өргөжүүлэх, харилцан хамтран ажиллах, мэдээлэл солилцох бололцоог нэмэгдүүлэхэд гол зорилго оршдог билээ.

Энэ удаагийн тэмцээнд 20 гаруй тамирчид хүч үзэж байгаа бөгөөд тэдний дунд 2011, 2012 оны хүрэл медальт, 2013, 2014 оны Тэргүүн байрны шагналт “Интеко инженеринг” ХХК- ийн дэд захирал Б.Энхтүвшин, 2014 оны хүрэл медалийн эзэн “Цагаан бүрд” ХХК-ийн захирал Э.Оргил тэргүүтэй барилгын салбарын биллиардын хорхойтнууд оролцож байна.

Энд өмнөх оны шагналын эздийг дахин сануулах нь зүйтэй болов уу. Нэгдүгээр байр “Интеко инженеринг” ХХК- ийн дэд захирал Б.Энхтүвшин, хоёрдугаар байр “Нийслэл Өргөө” ХХК-ийн инженер А.Бямбазул, удаах байрыг “Цагаан бүрд” ХХК-ийн захирал Э.Оргил тус тус хүртсэн юм.

Нээлтийн үгийг БЗМТ-ийн захирал Г.Батсүх болон тус төвийн Барилга.МН сэтгүүлийн эрхлэгч Ч.Баатарсүрэн нар амжилт хүсч, тэмцээнийг эхлүүллээ.

Барилгачдынхаа ажлын алжаалыг тайлж, нэг өдрийг нөхөрсөг өрсөлдөөн дунд өнгөрөөх боломжийг бүрдүүлсэн Барилгын Зөвлөгөө Мэдээллийг Төвд талархал илэрхийлье.