2015 оны 11-р сарын байдлаар нийслэл хотод шинэ орон сууцны 226 төсөл хэрэгжиж байгаагаас 71 хувь нь карказ, 29 хувь нь бүрэн цутгамал хийцтэй байна. Эдгээр төслүүдийн үнэ ханшид харьцуулалт хийж үзэхэд энгийн зэрэглэлийн орон сууцны 1 ам метрийн дундаж үнэ 1,800,000 төгрөг, дундаж зэрэглэлийн орон сууц 2,000,000, тансаг болон дээд зэрэглэлийн орон сууцны дундаж үнэ 3,100,000 төгрөг байна. Үүнээс хамгийн хямд үнэтэй төсөл БЗД-т, 1,000,000 төгрөгийн үнэтэй, хамгийн өндөр үнэтэй төсөл СБД-т, 6,000,000 төгрөгийн үнэтэй гарсан тухай үл хөдлөх хөрөнгийн судалгаа, менежментийн “Real Properties Ulaanbaatar” компаниас мэдэгдлээ.

     Төслийн дундаж үнийг зэрэглэл тус бүрээр нь энэ оны 1-11 дүгээр сарыг дуустал ангилж үзвэл, энгийн орон сууцны үнэ дунджаар 100,000 төгрөг, дундаж орон сууцны үнэ 300,000 төгрөг, тансаг болон дээд зэрэглэлийн орон сууцны үнэ дунджаар 1,000,000 төгрөгөөр хямдарчээ. Шинэ орон сууцны үнэ ханшийн мэдээллийг дэлгэрэнгүйгээр нь хүргэе.