Цахилгааны төлбөрийн асуудлаар хяналт шалгалтын гурван ажлын хэсэг байгууллаа

  Oч
2019-11-05
Цахилгааны төлбөрийн асуудлаар хяналт шалгалтын гурван ажлын хэсэг байгууллаа
           Нийслэлийн гэр хорооллын иргэдээс цахилгааны төлбөртэй холбоотой өргөдөл гомдлууд ихээр ирж буйтай холбогдуулан Шударга өрсөлдөөн, хэрэглэгчийн төлөө газраас нөхцөл байдлыг судалсан байна. Шалгалтын явцад нэг хашаанд 3-5 айл амьдардаг бөгөөд хашааны эзэн айлын нэр дээр цахилгааны тоолуур нь байдгаас айлууд харилцан адилгүй буюу хэрэглээгүй цахилгааны төлбөрийг төлөх магадлал өндөр байдаг нь тогтоогджээ.
 
Иймд нэг хашаанд байдаг айлуудын цахилгааны төлбөр 150 квт-аас дээш гардаг, өдөр шөнийн тарифаар ялгаж боддоггүйгээс илүү төлбөр төлдөг, битүү хайрцган дотор таваас зургаан айлын тоолуурыг түгждэгээс хяналт тавих боломжгүй зэрэг зөрчлүүд маш ихээр гардаг ажээ. Дээрх асуудлыг хянан шалгах, иргэдийн өргөдөл гомдлыг барагдуулах зорилгоор тус газрын дарга Т.Аюурсайханы тушаалаар хяналт шалгалтын гурван ажлын хэсэг байгуулжээ.

Холбоотой мэдээ