Өнгөрсөн долоо хоногт Нийслэлийн ИТХ-ын дарга Д.Баттулга гэр хорооллын дахин төлөвлөлтийн бүтээн байгууллалтын ажилтай танилцаж, иргэд болоод төсөл хэрэгжүүлж байгаа компаниудын удирдлагатай уулзсан юм.

Гэр хорооллын дахин төлөвлөлтийн ажил эхлээд багагүй хугацаа өнгөрлөө. Уг ажлын хүрээнд  иргэдийн зүгээс газар чөлөөлөх явц Сонгино-хайрхан, Чингэлтэй, Баянзүрх дүүрэгт газар чөлөөлөлтийн ажил сайн явагдаж байгаа юм байна. Харин хотын төвдөө ойрхон байршилууд болох Гандан, Зурагт орчимд газар чөлөөлөлт хүндхэн байгаа юм. Иргэд компаниудын хооронд тохиролцолд хүрч чадахгүй байгаагийн улмаас энэ орчимд ажил удаашралтай байна. Учир нь энэ хавь дэд бүтэц хотын төвтэйгөө ойрхон учраас иргэд газраа илүү өндөр үнээр худалдаалах сонирхолтой.

Гандангийн айлуудын хувьд 60 гаруй хувь нь хашаа байшингаа түрээслэх шугамаар амьжиргаагаа залгадаг. Гандангийн энэ орчмын байршил бол Монгол улсын шашин соёлын томоохон төв учраас Ганданд өндөр байшин бариулахгүй. “Гудамж” төслөөр замын асуудлыг бүрэн шийдсэн. Одоо энэ орчмын дэд бүтцийн асуудлыг шийдээд өгчвөл иргэд өөрсдийн төлөвлөлтөөр орчноо сайжруулах боломж бүрдэнэ гэдгийг онцолсон юм.