“Шинэ яармаг” төсөлд 10000 гаруй хүн ажлын байраар хангагдана

“Шинэ яармаг” төсөлд 10000 гаруй хүн ажлын байраар хангагдана
                    Бүтээн байгуулалтын ажил ид өрнөж буй энэ цаг үед Монгол улсын томоохон бүтээн байгуулалт болох "Шинэ яармаг” төслийн барилгын ажил  эхлээд сар гаруйн хугацаа өнгөрчээ.

"Шинэ яармаг” орон сууцны цогцолбор хороолол төсөл нь 3 үе шатаас бүрдэх бөгөөд төслийн 1-р үе шат нь нийт 368,262 м.кв барилгажих талбай, 2910 айлын орон сууц, 1100 авто машины дулаан зогсоол бүхий 3 хэсэгтэй байх ба 1-р хэсэг нь нийт 1500 айлын орон сууц, 610 авто машины дулаан зогсоол, амралт спортын талбай бүхий ногоон байгууламж, худалдаа үйлчилгээний зориулалт бүхий хэсгүүд, 2-р хэсэг нь 1410 айлын орон сууц, 500 авто машины дулаан зогсоол, амралт, усан оргилуур, спортын талбай бүхий ногоон байгууламж, мөн худалдаа үйлчилгээ бүхий хэсгүүд, 3-р хэсэг нь 2000 хүүхдийн багтаамжтай ерөнхий боловсролын сургууль, 300 хүүхдийн багтаамжтай хүүхдийн цэцэрлэг, Мэргэжил сургалт үйлдвэрлэлийн төв болон ОУ-ын жишигт хүрсэн эмчилгээ оношилгооны төв, худалдааны төвийн барилга байгууламжаас бүрдэж байгаа юм.

“Шинэ яармаг” цогцолборын зураг төслийг боловсруулахдаа зөв төлөвлөлт, зөв зохион байгуулалттай үлгэр жишээ хороолол болгон барихаар тусгасан. Барилгын ажилд барилга угсралтын 2500 гаруй залуус, 40 гаруй туслан гүйцэтгэгч компаниуд  ажиллаж байгаа.  Эхний ээлжийн барилгыг 2016 оны 2-р улиралд бүрэн ашиглалтанд оруулахаар ажиллаж байна.

Нэгэн таатай мэдээг дуулгахад “Шинэ яармаг” төсөлд 10000 гаруй хүн ажлын байраар хангагдана.  Эдгээр 10000 гаруй ажлын байранд 100 хувь монгол ажилтнууд бүтээн байгуулалтын ажилд гар бие оролцож байгаагаараа үндэсний хэмжээний томоохон бүтээн байгууулалт болох юм. Түүнчлэн ажил олдохгүй байгаа залуучууд болон аль ч насныхан МСҮТ-д суралцаж, шинэ яармаг төслийг хэрэгжүүлж буй барилгын компаниудаас ажлын байраар хангагдах боломжтой. Ажлын байртай болсон иргэд энэ хороололдоо орон сууцанд орж, ипотекийн зээл авах боломжийг бүрдүүлж өгчээ.
 
 

Холбоотой мэдээ