Япон улсын Нагасаки хотод байрлах М4 хаус нь танд тав тухтай, дулаан орчин, хөдөлгөөнт байдалд саад болохгүй амьдрах орон зайг бэлэглэх аж. Зохион бүтээгч нь Япон гэр бүлийн мөрөөдлийн байшинг бий болгох зорилгоор уг төслийг хийж гүйцэтгэжээ. Их хэмжээний мод ашигласан нь М4 хаусын нэг онцлог бөгөөд дотоод орон зайн холбоосуудыг модоор хийсэн нь ч гайхалтай  болсон байна.
      М4 хаус нь  гэр бүлийн төгс төгөлдөр амьдрах орчныг илэрхийлдэг төдийгүй Япон архитекторуудын өвөрмөц, бүтээлч сэтгэхүйн нэгэн жишээ болж чаджээ. Уг хаусын гал тогоо ба зочны өрөө нь илүү сэлүүхэн, гэр бүлээрээ амарч тухлах орчинг бүрдүүлсэн бөгөөд дээд давхарт унтлагын болон угаалгын өрөө байрладаг.