Шри-Ланкын Хөрөнгө Оруулалтын Зөвлөлөөс “Домогт Цамхаг 1996” төсөлд 330 сая ам.долларын хөрөнгө оруулалт хийхээр  боллоо. Энэхүү цамхагийг 1996 оны Дэлхийн аварга болсон Аржун Ранатунгагийн Крикетийн багт хүндэтгэл үзүүлэх зорилгоор байгуулж байгаа аж.

     96 давхар, 363 метр өндөртэй энэхүү барилгыг барьснаар тус улсын хамгийн өндөр цамхаг болох юм. Барилгын загварыг “ARK Studio West” архитектурын компани бүтээжээ. Барилгыг холимог зориулалтаар ашиглахаар төлөвлөсөн байна.

     Цамхаг 376 айлын сууц, 92 пентхаустай. Мөн усан сан, гимнастикийн танхим, спа болон гадна дээвэр дээрх тохилог талбай гэгчлэн оршин суугчдын тав тухыг бүрэн хангах хамгийн сүүлийн үеийн тохижуулалтыг хийж гүйцэтгэжээ.

     Төслийг бүрэн хэрэгжүүлж дуусахад дөрвөн жил зарцуулах аж.