Тохилог кафе + Номын дэлгүүр = Шинэ шийдэл

Тохилог кафе + Номын дэлгүүр = Шинэ шийдэл
Зохион бүтээгч: “PLASMA NODO”
Байршил: Медельин, Антиокуяа, Колумби улс
Талбай: 120 ам метр
Төслийн жил: 2015 он
Гэрэл зураг: Даниэль Межиа
Загварын баг: Даниэль Межиа, Сара Рамирез, Карлос Гарсия, Фелип Липез, Мария Ф.Хормаза, Хуан С.Табарес
Үйлдвэрлэл ба төлөвлөлтийн баг: PlasmaNodo + Laura Palacio

     Архитекторын зүгээс энэхүү “9 ¾” кафег хүүхдүүдэд зориулсан боловч энд насанд хүрэгчид ч чөлөөт цагаараа ирж зугаацах боломжтой аж. Аливаа хотод биднийг найрсгаар угтан урьдаг, гэр бүл болоод найз нөхөдтэйгөө хөгжилдөж, цагийг сайхан өнгөрүүлж болох дулаан уур амьсгалтай сайхан газар хэрэгтэй. Ийм газарт иргэд юм худалдан аваад зогсохгүй, чөлөөт цагаа сайхан өнгөрүүлэх боломжтой.



“9 ¾” кафе дахь хүүхдэд зориулсан хэсгийг тэд ном уншингаа амрах, зураг зурах, хичээллэх, мөн нуугдаж тоглоход ч тохиромжтой байхаар тохижуулжээ.



Харин насанд хүрэгчид энэ кафед дотно дулаан уур амьсгалыг төрүүлэхүйц засал чимэглэл, тавилга тохижилттой уншлагын өрөөг ашиглана. Энд бусаддаа ном, өгүүллэг уншиж өгөхийн зэрэгцээ хоорондоо ярилцахыг зөвшөөрдөг аж. Мөн энд Колумбиас авчирсан шилдэг мэргэжилтнүүдийн бэлтгэсэн хамгийн сайхан кофег үйлчлүүлэгчиддээ зориулдаг.



Энэ бол бидний уран төсөөлөл, мөрөөдөл, ид шидийг бодит амьдрал дээр хэрэгжүүлсэн, тухлаг орчинд аяга кофе уугаад бусадтай ярилцаж болох хамгийн тохиромжтой газар юм.





Холбоотой мэдээ