Португалийн нийслэл Лиссабон хот дахь нэгэн сонирхолтой бөгөөд гайхалтай “Санта Жаста” хэмээх цахилгаан шатыг танилцуулъя. Нео-Готик загварын үзэсгэлэнтэй шийдэл, барилгын нуман хаалга, тансаг модон тэрэг зэрэг нь Лиссабоны оршин суугчдын биширэн шүтэж, дээдэлсээр ирсэн урлагийн гайхалтай бүтээл билээ. Энэхүү цахилгаан шатыг 20-р зууны эхээр Ларго Кармогаас Baixa гудамжийг холбон хийсэн аж. Өнөөдөр тус цахилгаан шат нь жуулчдыг татах онцгой газар болоод байна.
        Тус цахилгаан шатыг Португалийн инженер Раул Миснир де Ронсард тухайн үед оюутан байсан, уран дархан Густав Ифельтэй хамтран барьжээ. Цахилгаан шатны барилгын ажил 1900 онд эхэлсэн бөгөөд 1902 онд бүрэн ашиглалтанд орсон аж. Энэхүү цахилгаан шатан цамхаг нь 45 метрийн өндөртэй, үүнд, мод, толь, цонх, хоёр цахилгаан шатны кабинтай. Кабин тус бүр 29 хүний багтаамжтай юм. Цахилгаан шатны дээд талд хотын мэдээ мэдээлэл, санал хүсэлтийн самбарыг байрлуулсан. 1998 онд газар доорх Baixa-Chiado метроны станцаас Chiado талбай руу шууд зорчигчдыг хүргэх өөр нэг чиглэлтэй болжээ.