Беконскаут нь Английн Бекингемширийн Биконсфилдэд байрлах тоглоомын тосгон юм. Энэхүү тосгон 1.5 акр талбайг эзэлдэг ба мод, чулуу, металл, шил зэргээр хийгдсэн олон бяцхан гайхалтай барилгатай. Тосгон нь дотроо цэцэрлэгт хүрээлэн, асар том төмөр замын загвартай бөгөөд дэлхийн хамгийн анхны загвар тосгон хэмээн үздэг аж. Өдгөө 80 гаруй жилийн турш зочдын ирэх дуртай газрын нэг байсаар байна. 1920-иод оны сүүлчээр Биконсфилдийн оршин суугч, нягтлан бодогч Роланд Кэллингэм том чулуугаар цэцэрлэгт хүрээлэн хийж, өөрийн бяцхан эзэнт гүрний гайхамшигт төлөвлөгөөг боловсруулан бүтээсэн юм.


     
Энд зургаан бяцхан загвар тосгон байрлана. Эдгээр нь бүхэлдээ зохиомол хот бөгөөд ихэнх нь 1930-аад оны Англи хэв маяг дээр үндэслэсэн аж. Гудамжинд ойролцоогоор дөрвөн инч өндөртэй бяцхан хүмүүс - хов жив хөөцөлдөх хөрш, талбайн эргэн тойронд цугларсан залуус, цонх цэвэрлэж байгаа эмэгтэй, зураач, хошин үзүүлбэр хийж байгаа хүн, хулгайч хөөж байгаа цагдаа, хоёр гүйлтийн зам гээд янз бүрийн үйл ажиллагаа эрхэлж байгаа хүмүүсийг харуулсан байна.