Дэлхийн ур чадварын  байгууллага нь бөгөөд мэргэжлийн ажилчдын ур чадварыг нэмэгдүүлэх тэдгээр мэргэжилтнүүдийн хэрэгцээ, ач холбогдлыг олон нийтэд танилцуулах зорилгоор анх 1946 онд  Испани улсад үүсгэн байгуулагджээ. Тус байгууллага мэргэлжилтэй ажилчдын тэмцээнийг уламжлал болон зохион байгуулсаар ирсэн бөгөөд энэ жил 43 дахь удаагийн тэмцээн Бразилын  Сан Паулу хотод  ирэх 8-р сарын 11-16-ны өдрүүдэд болох гэж байна.
     Энэхүү тэмцээнд манай улсын барилгын салбараас анх удаа  хавтанцар наагч, өрөг угсрагч, барилгын цахилгаанчин гэсэн төрлүүдэд өрсөлдөхөөр болжээ. Тэмцээнд оролцогчдыг шалгаруулах үүднээс 2014 онд анх удаа ур чадварын тэмцээнийг зохион байгуулахад мэргэжлийн 28 сургуулийн 500 шахам оролцогчид оролцжээ. Харин хоёр дахь удаагийн шалгаруулалтыг төрөл тус бүрд 1-5 дугаар байрт шалгарсан оролцогчдын дунд энэ жил дахин тэмцээн зохион байгуулсны эцэст Бразилыг зорих оролцогчид тодорхой болсон байна.
Эцсийн шатны тэмцээнд хавтанцар наагч ангилалд Дархан-Уул аймгийн 2015 оны төгсөгч Б.Мөнгөншагай, Өрөг угсрагч ангилалд Политехникийн коллежийн оюутан Ж.Энхчимэг, Барилгын цахилгаанчин ангилалд П.Галбадрах нар шалгарсан байна.
Яг эдгээр ангилалд багш нарын дунд мөн тэмцээнийг хоёр үе шаттайгаар зохион байгуулахад Дархан-Уул аймгийн мэргэжлийн сургалт үйлдвэрлэлийн төвийн багш З.Оюунцэцэг хавтанцар наагч мэргэжлийн шүүгч багш, мөн тус сургуулийн багш Д.Бадамсүрэн барилгын цахилгаанчин мэргэжлийн шүүгч багш, "MCS Проперти” ХХК-ийн инженер Э.Ганбаатар өрөг угсрагч мэргэжлийн шүүгч бөгөөд оролцогч багшаар шалгарчээ.
  Эдгээр шалгарсан оролцогчдыг БХБ-ын сайд Д.Цогтбаатар өнөөдөр хүлээн авч уулзан амжилтыг хүсч оролцогч бүрийг Монгол улсын “Тэргүүн барилгачин”  хүндэт тэмдэгээр шагнаж урамшуулсан юм. Түүнчлэн дэлхийн ур чадварын тэмцээнд барилгын мэргэжлээр анх удаа оролцохоор шалгарсан тул “Хүндэт дурсамж”-ийг гардуулан өгөв.