Улаанбаатар хотод энэ жил инженерийн дэд бүтцийн нийт 1153 төсөл, арга хэмжээг хэрэгжүүлэхээс хамгийн өргөн хүрээнд хийж байгаа ажил нь хотын дулаан хангамжийн 3А,Б,В гол шугамыг ф300/ф500болгон өргөтгөх юм. Учир эдгээр шугамын насжилт дуусчээ. Ажлын гүйцэтгэгчээр дотоодын гурван компани шалгарч 6-р сарын 6-ны өдрөөс эхлэн засвар, шинэчлэлтийн ажлыг эхлүүлсэн байна. Харин төв магистераль шугамын засварын ажилтай холбогдуулан төв замын хөдөлгөөнийг 6-р сарын 6-ны өдрөөс наймдугаар сарын 16 өдөр хүртэл Төв шуудангийн уулзвараас баруун  дөрвөн замын уулзвар  хүртэл 3 үе шаттайгаар хаах гэнэ.
      Хэрвээ энэ шугам  засварын ажил төлөвлөгөөт хугацаандаа баталгаатай хийгдчихвэл 20-30 жилийн дотор дахин энэ чиглэлийн инженерийн шугам сүлжээнд засвар хийхгүй байх боломжтой ажээ.
Мөн дээрх засварын ажлын явцад хөндлөнгийн хяналтыг УБДС ТӨХК-ийн инженерүүд болоод Нийслэлийн хөрөнгө оруулалтын газраас давхар хийж байгаа юм байна.
     Харин хоёр дахь үе шатын шугам шинэчлэлтийн ажил Цэцэг төвөөс Улсын их дэлгүүрийн баруун тал хүртэлх замын хөдөлгөөнийг хаана. Дараа нь Улсын их дэлгүүрийн баруун талаас баруун 4-н зам хүртэлх хөдөлгөөнийг наймдугаар сарын 14 хүртэл хязгаарлан туршилтын шахалт болон бусад шалгалтуудыг хийж гүйцэтгэн нэгдсэн сүлжээнд холбох төлөвлөгөөтэйгээр ажиллаж байна