Бороон дуслыг цуглуулах энгийн арга

Бороон дуслыг цуглуулах энгийн арга
Америкийн Техас мужид борооны ус судлалын хүрээлэн гэж байдаг аж. Энэхүү хүрээлэнгээс борооны ус нь шууд ууж ашиглаж болохуйц цэвэр ус байдаг ч саванд тосч авсаны дараа ахуйн хэрэглээнд л ашиглаж болохоор нэлээд бохирдсон байдаг талаар мэдэгджээ.
Байшин барилгын дээврийн борооны усыг бид ихэвчлэн задгай саванд тосч авч ашигладаг. Энэ нь гадны бохирдол орох хамгийн том шалтгаан болдог бөгөөд борооны ус судлалын дээрх хүрээлэнгээс борооны дуслыг хэрхэн битүү саванд тосч болох талаар судласны эцэст нэгэн энгийн аргыг нээжээ. Манайд шууд хэрэглэж болохоор, тэр тусмаа хөдөө орон нутгийнхан нэвтрүүлж чадвал ашигтай санагдсан тул энэхүү мэдээллийг хуваалцаж байна. Юуны өмнө амины орон сууцныхаа дээврийн усыг тосохын тулд тусгай нарийн хоолой суулгах хэрэгтэй. Энэ нь дээврийн ус тосч авдаг хуучны төмөр хоолойноос ялимгүй нарийн бас пластик материалтай байвал илүү тохиромжтой гэнэ. Түүнчлэн уг хоолойд манайд элбэг байдаг ундааны савыг хэрэглэх боломжтой ба дээврийн хэсгээс доод хаяа хүртэл тэдгээр ундааны савуудыг тогтож байхаар хийх хэрэгтэй юм. Дээрээс урсах борооны дуслуудыг саванд орохыг бодолцож тэдгээр ундааны савны амсарт ташуу зүссэн хоолойг байршуулах шаардлагатай юм. Харин савнууд нэгэнт усаар дүүрсэн  тохиолдолд доод талын хэсгээс сугалахад доош нэг нэгээр унаж байхаар зохицуулсан нь ажлыг илүү хөнгөвчилжээ. Уснаас хол байрладаг зуслангийн байшингууд ийм төрлийн ус тосох савтай байвал бороо хур ихтэй жил усаар тасрахгүй байж болохоор санагдана. Зурагт илүү ойлгомжтой харагдах биз ээ.
 

Холбоотой мэдээ