Дэлхийн хамгийн өндөр настай хот

Дэлхийн хамгийн өндөр настай  хот
 Арабын хойгт орших Бүгд Найрамдах Йемен Улс гэж бий. Нийслэл нь Сана.  Энэ улсын 7 мянга орчим оршин суугчтай жижигхэн хот Шибамыг лавтай МЭ II зуунаас өмнө байгуулагдсан гэж үздэг. Хадрамавтын хаант улсын нийслэл хот байсан Шибам хот нь 5–16 давхар бөгөөд давхар бүртээ нэгээс хоёр өрөө бүхий 500 гаруй байшингуудтай. Тус хот 2000 гаруй жилийн түүхтэй ч XVI зуунаас хойш ихэнх барилгууд нь баригдсан байна. Сүүлийн хэдэн зуунд төдийлөн өөрчлөгдөөгүй юм. Уг хотыг заримдаа “Дэлхийн хамгийн эртний тэнгэр баганадсан барилгуудтай хот”, “Цөлийн Манхеттен” гэх нь бий. 2008 онд улс орныг нь бүхэлд нь хамарсан үер болоход Шибам хот ихээхэн гэмтжээ.
   Шибамд олон төрлийн шавар барилгууд болон 35 метрийн өндөртэй барилгууд бий. Энэ нь Шибамыг тэнгэр баганадсан барилгын эх орон болоход нөлөөлж байгаа юм.
Барилгын хэлбэр хэв маяг нь Йеменд төдийгүй, Дорнод даяар алдартай. Барилгуудыг 5-р зууны үед барьж эхэлсэн байна. Ямар нэгэн бүслэлтийн үед байшин хооронд шилжихэд хялбар байх үүднээс ойр ойрхон барьсан гэнэ. 
     Барилгыг барихад түүхий шавар болон хатаасан сүрлэн тоосгыг ашигладаг гэнэ. Ихэнх барилгууд нь 5-11 давхар байдаг бөгөөд давхар болгонд нэг гэр бүл амьдарна. Одоогийн байдлаар хотод 14 мянга гаруй хүн амьдардаг байна. Шибамд ЮНЕСКО-д бичигдсэн түүхэн барилгууд олон бий.

Холбоотой мэдээ