Хагас зууны тэртээх байрыг 2 давхар орчин үеийн сууц болгосон нь

Хагас зууны тэртээх байрыг 2 давхар орчин үеийн сууц болгосон нь
    Midvale-зуслан нь Wisconsin-ий хөл хөдөлгөөнтэй гудамжин дахь Madison-д байрладаг. Анх хувийн өрөөний хүрэлцээ багатай багахан талбай бүхий барилга байсан байна. “Bruns architecture” үүн дээр гаднах талбайг нэмж, орох хэсгийг сунгаснаас гадна эргэн тойронд нь машины зогсоол хийжээ. Мөн унтлагын өрөө гаргах зорилгоор 2-р давхарыг шинээр бий болгосон байна. Энэхүү хуучин барилгад шинэ тусгаарлах материал,энерги ашиглалтын механик системүүд, дулаан алдагдал багатай цонх, мөн шинэ дээвэр хийж бүхий л хэсгийг сайжруулан шинэчилсэн. Мөн шинээр зураг төслийг дахин боловсруулж өрөө тасалгааны босоо хуваалтуудыг хийснээс гадна хашаан доторх зохион байгуулалтыг амрах талбайд зориулан төлөвлөж өгсөн. Үүнээс гадна үндсэн таазны өндрөөс дээш 2-р давхарыг шинээр бий болгосон.
Сууцны гадаргуунд завсрын өнгө зонхилох ба саарал,бор 2 өнгийн тоосгыг хослуулан, үүн дээр цемент, модыг нэмж ашигласан байна. Мөн дээврийн доод хэсэг болон хашлагыг саарал өнгийн тоосготой ижил өнгийн босоо модон материалаар бүрж өгсөн.
       Сууцанд орчин үеийн хэв маяг оруулан дээврийн хэсэгт цоолбор хийсэн ба энэ нь байгалийн гэрэл шууд нэвтрэх нөхцөлийг бүрдүүлэх юм.Орох хэсэг нь хувийн тусгаарлалт, улирлын өөрчлөлтөөс хамгаалагдан хийгдсэн том дээвэр болон тоосгон хашлаганы ард байрлана. Хаалгыг улаан байхаар сонгон хийсэн нь уран сайхны зохиомжыг бий болгожээ. Дотор талын үүдний хэсэгт цул модоор хийсэн 2 давхар-руу гарах шат байрлана.     Шатны гишгүүрийг хүнд таатай байдлаар хийсэн нь задгай орон зай болон гэрэл гэгээг мэдрэхэд туслах юм. Гутлаа солиход зориулан үүдний хэсэгт намхан модон сандал хийж өгсөн. Мөн 12*24”-ийн саарал хөх өнгийн хавтанцар дээр суухад сонирхолтой хиймэл чулуу байрлуулсан байна. Ил харагдах дам нуруу нь хаалганы дээд хэсгийн таазнаас унжиж харагдахаас гадна 2-р давхарт гарах шатны тулгуур болж өгнө. Шатны хашлагыг хөндлөн утсаар холбон зэвэрдэггүй гангаар хийсэн.
      Үндсэн давхарын том орон зай нь зочны, хоолны, гал тогооны хэсгүүдээс бүрдэнэ. Зочны болон хооллох  хэсэг нь шалнаас тааз хүрсэн өндөртэй өвөрмөц чулуун хананд байрлуулсан цэвэр гангаар хийсэн зуухаар зааглагдна. Хавтгай дэлгэцтэй зурагт тавиуруудын дээр байрлана. Хоолны ширээний тавцан нь цэвэр модоор хийгдсэнээрээ онцлог. Арьсаар бүрсэн зөөлөн саарал өнгийн суудлууд нь органик лааны суурьтай нийлэн нэгэн цогц үзэмжийг бий болгоно.

Барселон сандалын загварыг Mies van der Rohe гаргасан ба зочны өрөөний орон зайд зарим нэг классик элементүүдийг нэмэхээс гадна зүүн зүгийн хэвлэмэл зурагтай дэрийг хийж өгсөнөөр олон үндэсний нийлэмжийг бий болгож чадсан байна.
Гал тогооны өрөөний хувьд, доод шүүгээнүүдийг босоо судалтай модон материалаар хийн, шалнаас тааз хүрсэн цагаан ханан дээр задгай тавиуруудыг байрлуулан хослуулжээ. Шалны хувьд үүдний хэсгийн адилаар хөх саарал өнгийн чулуун хавтанг суулгасан. Мөн 6”-н зузаантай хар модон хавтангуудыг таазанд тогтоон өнгө үзэмжийг улам нэмэгдүүлжээ. Гал тогооны хэсэг нь коридоороор дамжин сууцны бусад хэсгүүдтэй залгагдна. Эндээс Том цонхнууд, гадна байрлах хооллох хэсэг шууд харагдна.

     Сууцны гадна хооллох хэсэг, гал тогоо, амрах талбай байрлах бөгөөд эдгээр бүсүүдийн хооронд 2-р давхарын тавцантай холбогдох дугуй шат байрлана. Тагтны хашлагыг дотор шатны адил хөндлөн утсаар бэхлэн хийсэн.
     Дээд давхарт унтлагын өрөө байрлах ба эндээс эргэн тойрны орчинг харж болох юм. Задгай нүхэлсэн дээвэр болон хар хананд бэхэлсэн цонхнууд нь бараан өнгийн орны толгой хэсгийн ханатай нийлэн уусан тэнцвэржиж харагдна.

Үдэш болоход унтлагын өрөөний тагтнаас гадна үзэмж үнэхээр гайхалтай харагдах ба тансаг орчинг мэдрүүлэхээр хийгдсэн. Нөгөө талын хананд усны онгоц байрлана. Бараан хананы урд том зууван хэлбэрийн цагаан өнгөтэй онгоц оцгой харагдна.
Шүршүүр-рүү явах замын хананы хэсгийг гал тогоо, үүдний өрөөний шалтай адил хавтангаар бүрсэн. Шүршүүрийн шал нь жижиг хуваалттай плитагаар хийгдсэн ба 3 талаас нь шилэн хаалтаар тойруулсан. Том хар өнгийн өрөөнд алчуур болон бусад дагалдах хэрэгслүүдийг байрлуулсанаас гадна тааз, шалыг байгалийн цэвэр модоор хийсэн. 

Жирийн нэг байрыг орчин үеийн шийдэлтэй сууц болгосон гэхэд итгэхэд үнэхээр хэцүү юм. Энэхүү хүсэл мөрөөдлийн бодит гэрчилгээг “Bruns architecture”, дотор засал чимэглэлийн “Mani & company” –н хамтаар харуулж чадсан байна.   
 

Холбоотой мэдээ