Тулгар төрийн 2224 жилийн ой, Их Монгол Улсын 809, Ардын хувьсгалын 94 жилийн ойг тохиолдуулан Барилга, хот байгуулалтын салбарын үе үеийн ажиллагсад, ахмадууд болон Монголын ард түмэндээ Улс үндэснийхээ их баяр наадмын гал халуун мэндчилгээг өргөн дэвшүүлж, хамгийн сайн сайхныг хүсэн ерөөе. Барилга, хот байгуулалтын яам нь Засгийн газрын зорилт хөтөлбөрүүдийг хэрэгжүүлэхийн тулд их бүтээн байгуулалтын ажлуудыг үргэлжлүүлэхийн зэрэгцээ үл хөдлөх хөрөнгийн зах зээлийг Монгол Улсад хөгжүүлэх эх суурийг тавьж, үл хөдлөх хөрөнгийн салбарын бодлого, хууль эрх зүйн орчинг боловсронгуй болгож, гадаадын хөрөнгө оруулалтыг татах чиглэлийг барин ажиллаж байна. Монгол Улсын       Засгийн газраас Иргэдийгээ орон сууцаар хангах, ипотекийн зээл авах боломжийг нэмэгдүүлэх нөөц бололцоог эрэлхийлж, Төрийн орон сууцны корпорацийн үйл ажиллагааг өргөжүүлэн зорилтод бүлэгт чиглэсэн оновчтой үйл ажиллагаа явуулахын зэрэгцээ Түрээсийн орон сууцны зах зээлийг хөгжүүлэх чиглэл барьж, “Түрээсийн орон сууц” хөтөлбөр, Хот, суурин газрыг дахин хөгжүүлэх тухай хуулийг батлуулаад байна. Мөн барилгын чанарыг зөвхөн стандартын шаардлага хангасан байх гэдэг хэвшмэл ойлголтоос хүний хүсэн хүлээж буй эрэлт хэрэгцээг хангасан байх хэмжээнд хүргэх, ногоон хөгжлийн бодлогод нийцүүлэх талаар анхаарч, барилгын үйлдвэрлэлийн явцад гардаг аливаа осол эндэгдэлийг бууруулах үүднээс хөдөлмөрийн аюулгүй ажиллагааны иж бүрэн тогтолцоог нэвтрүүлэх зорилт тавин ажиллаж байна. Барилга, хот байгуулалтын салбарын үе үеийн ажиллагсад, ахмадууд болон ард иргэддээ хотол олноороо, баярын магнай тэнүүн сайхан наадахын өлзийтэй ерөөлийг өргөн дэвшүүлье!  

 САЙХАН НААДААРАЙ.