Интерьер дизайн урлаг болтлоо хөгжсөнийг харуулах нэгэн өвөрмөц заслын талаар уншигч танд сонирдуулахаар бэлдлээ. Францын дизайнер Бруклин хэмээх эрхэмийн олс, нарны гэрэл хэмээх нэгэн дотоод засал бөгөөд тухайн барилгыг анх зураг төслийн ажлыг хийхэд л дотоод засал чимэглэл ямар байх талаар гаргасан байна. Архитектор ИнэсЭкналтай хамтран гаргасан энэхүү шийдэл нь музей, номын сангийн барилгын дотоод засалд илүү тохиромжтой гэнэ. 
Барилгад тодорхой нэг хэсгийн гэрлийг дээрээс тусахаар шийдэж, уг хэсгээр тусах нарны гэрлийн хугарлыг өнгөт утсанд буулгахаар төлөвлөсөн. Ингэхдээ нарны гэрлийн өнгийг хамгийн сайн ойлгогч цэнхэр, улаан, шар мөн саарал өнгийн олсыг сонгож ташуу хэлбэртэй татаж өгсөн байна. Эдгээр олсуудыг алсаас харахад геометрийн гурвалжин дүрсийг үүсгэх бөгөөд өдгөө хүмүүсийн сонирхолыг ихэд татаж буй гурван хэмжээст мэт харагдана. Нарны гэрэл тусахад гэрлийг ойлгон цацарч харагдахаас гадна олс тус бүрийн сүүдэр өвөрмөц хөгийг бий болгодог ажээ. Ингэхдээ барилгын бусад ханы бетонон дээр ямар засал хийлгүйгээр үлдээсэн нь байгалийн мэт сэтгэгдэлийг төрүүлэхээр болжээ. 
Интерьер гэдэг ханын цаас наах, зураг өлгөх төдийхөн биш юм.