Гэрийг гоё сайхан харагдуулахад хэрэгтэй нэгэн зүйлийг санал болгохоор шийдлээ.  Орон сууцны халаагч бидний нэрлэж заншснаар пар үзэмжгүй харагдах нь бий. Тэр тусмаа хуучны орон сууцнуудынх. Энэ тохиолдолд парыг будсан ч сэтгэлд тань нийцэхгүй бол доорх зургуудаас санаа аваарай. Ханын өнгөтэй ижил өнгөөр будахаас гадна зураг зурж эсвэл алаглуулан будаж болох нь ээ. 
Мөн сүүлийн  үед хүссэн зүйл дээр хэвлэж өгөх хэвлэлийн газрууд ч олон болж. Тухайлбал хамгийн эхэнд буй энэхүү зураг "suncore" гэх компаний хамт олны бүтээл бөгөөд хүссэн зургаа авч очвол хэвлэж өгөх нь дамжиггүй юм. Зураг сайн зурдаг бол доорх зургуудын адил гараар зурсан ч болно. Жижиг зүйлс ч гэрийн интерьерт нөлөөлдөг билээ.