Байшин барилгын нэр хаягийг монгол бичгээр бичих тухай яриа эртнээс гарсан ч энэ нь сая л албан ёсоор цаасан дээр бууж, баталгаажив. Мэдээж зөвхөн хуучин монгол бичгээр бус кирил бичгээр ч бичих юм.
Засгийн газрын 2013.02.02-ны өдрийн “Монгол  хэл, бичгийн  боловсролыг сайжруулах арга хэмжээний тухай” 37 дугаар тогтоол,  Нийслэлийн Засаг даргын 2014 оны “Ухаалаг Улаанбаатар хөтөлбөрийг хэрэгжүүлэх тухай”  А/428 дугаар  Захирамжийн дагуу  нийслэлийн Ерөнхий төлөвлөгөөний газраас байгууллага, аж ахуйн нэгжүүдийн гадна хаяг, зар сурталчилгааг Монгол бичгээр бичих төслийг санаачлан хэрэгжүүлж эхлэсэн байна. Засгийн газрын дээрх тогтоолын 5 дугаар зүйлд “Хот, суурин газар төрийн болон хувийн хэвшлийн бүх байгууллагын хаяг, зар сурталчилгааг Монгол, Кирил бичгээр бичиж байхыг бүх шатны засаг  дарга нарт үүрэг болгосон байна.