Нийслэлийн ИТХ-ын 2013 оны 10/39 дүгээр тогтоолоор нийслэлийн 52 байршилд иргэдэд гэр бүлийн хэрэгцээний зориулалтаар 15309 га газарт цахим системээр газар өмчлүүлэхэээр шийдвэрлэсэн. Уг тогтоолын дагуу цахим системээр газар өмчлүүлэх 2 дугаар ээлжийн бүртгэл 2015 оны 01 дүгээр сарын 26-ны өдрөөс 02 дугаар сарын 09-ний өдрийн хооронд явагдаж дууссан.   
Цахим системээр газар өмчилж авахаар сонгогдсон иргэд 2 дугаар сарын 11-ний өдрөөс эхлэн ажлын 10 хоногт багтаан харъяа дүүргийн Өмч, газрын харилцааны албанд хандаж газар өмчлөх өргөдлөө баталгаажуулж байгаа бөгөөд 2 дугаар сарын 26-ны өдөр дуусахаар тогтсон боловч бүртгэлийн ажлыг энэ сарын 6-ны өдрийг хүртэл сунгахаар болжээ.  Баянзүрх дүүрэгт газар өмчлөхөөр сонгогдсон иргэд Баянзүрх дүүргийн өмч газрын харилцааны албанд, Сонгинохайрхан дүүрэгт сонгогдсон иргэд Орчлон хорооллын урд 27 дугаар хорооны байранд, Багануур, Багахангай дүүрэгт сонгогдсон Улаанбаатар хотод оршин суудаг иргэд Хан-Уул дүүргийн соёлын төв ордонд очиж өргөдөл гарган баталгаажуулах юм.
Мөн зарлагдсан 5 байршлын нэгж талбар бүхий эргэлтийн цэг тэмдэг газарт бэхлэх, акт үйлдэн баталгаажуулах ажлыг хийж гүйцэтгэх компаниудыг сонгон шалгаруулсанаас доорх нэр бүхий компаниуд хийж гүйцэтгэхээр болсон байна. Иймд цахимаар газар өмчлөөд хараахан баталгаажуулж амжаагүй бол сонгогдсон газрынхаа албан ёсны газруудад хандах хэрэгтэй юм байна.         
 Баянзүрх дүүргийн 20 дугаар хороо Их цуурай, Бага цуурайн ам байршилд “Блюжей ланд” ХХК хаяг: БЗД 25-р хороо170-98 тоот утас 99061635, 88998260, 88849005, 99764464

Сонгинохайрхан дүүргийн эмээлт уулын баруун хоолойн байршилд “Геоцацраг” ХХК хаяг: СБД 7-р хороо 11-р хороолол “Одкон холдинг” 307 тоот утас: 99086801, 88224796, 88125686, 95956070   
                     
Багануур дүүргийн тариан булаг 2 дугаар байршилд “Эрдэнэ сүрвэй” ХХК хаяг: ЧД 3-р хороо Энхтайваны өргөн чөлөө “Peace tower” 13 давхар утас: 99100409, 98448844, 91920409

Багахангай дүүргийн 2 дугаар хороо Хангайн хөндий байршилд “Онч сөрвэй” ХХК  хаяг:   БГД-ийн 5-р хороо Энх тайваны өргөн чөлөө   “Эрдэнэ суварга” ХХК-ийн байр 406 тоот утас: 88021224, 88028659, 99157791, 88021224