Дэлхийн хамгийн үнэтэй үл хөдлөх хөрөнгө
Дэлхийн хамгийн үнэ цэнэтэй үл хөдлөх хөрөнгийг шалгаруулдаг судалгаагаар Нью-Йоркд байрлах "One 57 " хэмээх тэнгэр баганадсан барилга хамгийн үнэтэй үл хөдлөх хөрөнгө болсон бөгөөд энэ байшин дотор байрлах пентхаус 100.5 сая доллараар худалдаалагдсан байна. Энэ үнэтэй худалдан авалтын эзэн нь нууц байгаа бөгөөд энэ байшинд амьдарч буй хүмүүс ихэнхдээ өөрсдийгөө нууцалдаг аж.
"One57" төслийг Кристиан де Портзампарк (Christian de Portzamparc) анх санаачилсан бөгөөд тэрээр архитектурын салбар нэр хүндтэй "Pritzker Architecture Prize" -шагналд нэр дэвшиж байсан байна. Яг л хүрхрээ мэт гайхалтай харагдаж байна.
90 давхар, 306 метрийн өндөр барилга болох One57 Манхэттений 57-р гудамжинд Төв цэцэрлэгт хүрээлэнгийн ойролцоо байдаг байна.
One57 байшинд "Park Hyatt" буудал байдаг бөгөөд энэ нь байшингийн 39 давхрыг эзэлдэг байна. Үүнээс гадна бассейн, бялдаржуулах өрөө, номын сан, театр гээд олон байгууллагууд энэ сүрлэг барилга дотор бий.
89, 90-р давхар дээр байрлах пентхаус нь 1022 кв.метр, зургаан унтлагын өрөө, 7 угаалгын өрөө, саун, бассейн, жакузи, бялдаржуулах өрөө, номын сан, кинотеатр байрлана.
Барилгыг барихад 1.3 тэрбум америк доллар болсон байна. Барилгыг баригдаж байх явцад 95 байрны бараг хагас нь зарагдсан байсан бөгөөд энэ нь нэг тэрбум гаруй доллар болжээ.
"Extell Development Company"-ийнхан One57 барилга байгаа газрыг эзэмшихийн тулд 15 жилийн турш хөөцөлдсөн байна.
One57 байрны оршин суугчдад тусгай гарц болон цахилгаан шат бий. Буудлын үйлчлүүлэгчидтэй холилдохгүйн тулд ийнхүү тусгаарласан байна.
One57-ийн байр бүрт шалнаас тааз хүртэл цонх бий. Энэ нь Нью-Йоркийг тэр чигт нь харуулна.