Цахилгаан шатны зөвшөөрлийг хаанаас авах вэ?
Цахилгаан шат суулгах, угсрах тусгай зөвшөөрлийг хаанаас авах талаарх мэдээллийг уншигчдад өгөхөөр бэлдлээ. Энэ төрлийн асуулт манай редакцид хэдэнтээ ирсний учир энэхүү мэдээллийг онцолж байгаа юм.
Монгол улсад буй өргөн тээвэрлэх машин механизмын хяналт, аюулгүй байдлыг шалгадаг төрийн байгууллага нь Улсын болоод нийслэл, дүүрэг, аймгийн Мэргэжлийн хяналтын газрууд юм. Харин нийслэл хот дахь өргөх машин механизм үүн дотор цахилгаан шат мөн ялгаагүй багтах бөгөөд түүнийг суурилуулах, ашиглахтай холбоотой тусгай зөвшөөрлийг Нийслэлийн Ерөнхий төлөвлөгөөний газраас комисс томилогдон олгодог болно.
Барилга хот байгуулалтлын сайдын 2010 оны тушаалаар батлагдсан “Лифтийг төхөөрөмжлөх аюулгүйн ажиллагааны дүрэм” -ээр манай улсад буй цахилгаан шатны ашиглах, суурилуулах үйл ажиллагаа зохицууллагддаг байна. Ер нь өргөх машин механизмтай холбоотой таван хууль, 39 стандарт, долоон дүрэм өнөөдрийн байдлаар хүчин төгөлдөр мөрдөгдөж байгаа гэнэ.