Дэлхий дээр баригдаж буй ихэнх барилга дөрвөлжин хэлбэртэй байдаг. Үүүнийг эвдэх гэсэн эрмэлзэл хэзээнээс хүн төрлөхтөнд байсан. Байсаар ч байгаа. Саяхан Австралийн Сидней хотод оффисын хэрэгцээнд зориулсан нэгэн байшин ашиглалтанд орсон бөгөөд энэ нь  барилгын бас нэгэн дэвшлийг харуулсан явдал болсон юм. Учир нь энэ барилга холоос харахад яг хөдлөж буй мэт харагдах төдийгүй, яг тийм гэх тодорхой хэлбэргүйд оршиж байгаа юм. Сидней хотын иргэд энэхүү барилгыг “Бор цаасан уут” хэмээн нэрлээд байгаа бөгөөд сайтар ажиглавал хүнсний бор цаасан уутанд эд зүйлс хийхэд хэлбэрээ алдаад унжийж орхидгийн адил харагдах учир ийн нэрлэсн бололтой. 19-р зууны барилга ихтэй Сидней хотод орчин цагийн шинэ барилга барих нь орчныг эвдддэг талтай ч энэхүү хэлбэргүй байшин тэдгээр түүхэн байшингуудтай хослож байгаад баяртай байгаа тухай хотын захиргаанаас мэдэгджээ.


     “Бор цаасан уут” барилга хөдлөж мэт харагддагийн нууц нь барилгын гадна ханыг чулуу болон шилэн хийц хослуулан хийхдээ дүрсний тусгалыг ашигласанд оршиж байгаа гэнэ. Хэрэв эрхэм уншигч санаж байгаа бол тусгалын хэлбэрийг өөрчилдөг толь бүхий музей байдаг даа. Манайхан нөлөөтэй толь ч гэдэг.  Яг тийм тусгал бүхий шил толийг гаднах ханын хэсэгт тодорхой хэмнэлээр байршуулсан учир урдаас нь харахад барилга хавчигар нарийхан байдаг бол баруун талаас өргөн бүдүүн харагдах гэнэ. Дотоод засал мөн ялгаагүй барилгын гаднах хэлбэрийг огт эвдэхгүйгээр шийдэж өгчээ.