“Барилга.МН”, Барилгын зөвлөгөө мэдээллийн төвөөс зохион байгуулдаг “Барилга-Экспо” олон улсын үзэсгэлэн яармаг найм дахь жилдээ амжилттай зохион байгуулагдаж байна. Үзэсгэлэн  урьд өмнөх жилүүдийн адил хоёр ангиллаар зохиогдож байгаа бөгөөд өнгөрсөн амралтын өдрүүдэд  “БАРИЛГЫН МАТЕРИАЛ”-ын үзэсгэлэн амжилттай зохиогдож өнгөрлөө.  
     Үзэсгэлэнгийн хоёрдугаар хэсэг болох “ОРОН СУУЦ, ҮЛ ХӨДЛӨХ ХӨРӨНГӨ”-ийн үзэсгэлэн  5-р сарын 1-нээс 3-ны өдрүүдэд буюу ирэх долоо хоногийн баасан гарагт нээлтээ хийж, амралтын өдрүүдэд  “Мишээл-Экспо”-д дэлгэгдэх гэж байна.
   Энэ удаагийн “ОРОН СУУЦ, ҮЛ ХӨДЛӨХ ХӨРӨНГӨ”-ийн үзэсгэлэнд нийслэл хотод баригдаж буй болоод ашиглалтанд орсон 70 гаруй шинэ орон сууцны танилцуулга худалдаа болох бөгөөд м/кв нь 1.300.000-аас эхлэх орон сууцнаас тансаг зэрэглэлийн орон сууцнууд эзнээ хүлээж байна. Өөрөөр хэлбэл нийслэл хотод баригдаж буй болон баригдаж ашиглалтанд орсон орон сууцны талаас илүү нь энд танилцуулагдах бөгөөд энэ жил орон сууцны үнэ ханш ямар байхыг уг үзэсгэлэнгээс дүгнэж болохоор байгаа юм.
    Эдгээр орон сууцнууд нь зөвхөн үзэсгэлэнгийн өдрүүдэд м/кв-т тутамдаа 100-300 мянган төгрөгийн хямдралтай үнээр худалдаалагдах тул алдаж болохгүй алтан боломж байх нь лавтай.
 Мөн амины орон сууц, ландшафт тохижилтын мянга гаруй нэр төрлийн материалыг үзэж, танилцан худалдан авалт хийх боломжтой.
     Үзэсгэлэн яармагийн ерөнхий ивээн тэтгэгчээр Японы “Kansei Paint” брэнд, “Sky Pro Group” шингэн обой, “Victoria Town” ХХК оролцож байгаа юм.  Харин  хамтран зохион байгуулагчаар Барилга хот байгуулалтын яам, Нийслэлийн засаг даргын тамгын газар, Барилгын хөгжлийн үндэсний нэгдсэн төв, Монголын барилгын инженерүүдийн холбоо, Монголын барилгын материал үйлдвэрлэгчдийн  холбоо хамтран ажиллаж байна.
 
 Үйл ажиллагааны хөтөлбөр
05 сарын 01 Баасан гарагт
10:00               “Барилга-Экспо 2015” олон улсын үзэсгэлэн яармагийн
                        хоёрдугаар хэсэг  эхэлнэ
05 сарын 02 Бямба гарагт
11:00-13:00     “Үл хөдлөх хөрөнгийн бизнес эрхлэгчдийн уулзалт”
                        (Төрийн болон төрийн бус байгууллагуудын төлөөлөл мэдээлэл хүргэнэ)
                        “Хөрөнгө оруулалтыг татах хялбар арга” сэдэвт сургалт “FP” группын
                        Бизнес хөгжил, Хөрөнгө оруулалт хариуцсан захирал: М.Отгонбаяр
                        (“Мишээл-Экспо”-гийн 2 давхрын хурлын танхим)
05.03 Ням гарагт
17:30               “Барилга-Экспо 2015” олон улсын үзэсгэлэн яармагийн үйл ажиллагаа дуусна
18:30-21:30     “Барилга-Экспо 2015” олон улсын үзэсгэлэнгийн хаалтын ажиллагаа,
                        шилдэг оролцогчдод шагнал гардуулах ёслол            ( “ХАНБҮРГЭДЭЙ” ресторан 11 давхарт)