Барилгын салбарын тэргүүлэгч мэдээллийн хэрэгсэл “Барилга.МН” сэтгүүлийн хоёрдугаар улирлын анхны дугаар худалдаанд гарлаа. Барилгын салбарынхан болоод хэрэглэгч олон нийтэд хэрэгтэй цаг үеийн мэдээ мэдээллүүд, нийтлэл, сурвалжлагууд эрхэм уншигч таныг уйдаахгүй гэдэгт итгэж байна. Мөн та бүхэн уламжлал ёсоор барилгад нийтлэг хэрэглэгдэх бараа материалын болоод нийслэл Улаанбаатар хотод баригдаж байгаа шинэ орон сууцны үнэ ханшийн мэдээллийг хүлээн аваарай.

Энэ удаагийн "Зочин"  ярилцлагын буландаа "Цаст констракшн"-ы гүйцэтгэх захирал Н.Баярцэцэгийн урин оролцууллаа. Хийж бүтээсэн  зүйлтэй, цаашид хийж бүтээх их хүсэлтэй залуухан захирлын яриа та бүхнийг уйдаахгүй гэдэгт итгэж байна. 
Барилгын салбар еврокодод шилжих тухай яригдаж байгаа энэ үед "Еврокодыг хэрэгжүүлэхэд анхаарвал зохих зарим онцлог"-ийн талаар эрдэмтний анхааруулга, барилгын материалын лабораторийн хяналтын хөгжлийн үе шат, цаашид хийвэл зохилтой ажлын талаар ч бид санал бодлоо илэрхийлсэн болно. 

Урин дулаан цаг ирж барилгын ажил эхлэж байгаатай холбогдуулан төмөр карказан амины орон сууцны төсөв, үнэ бүрдлийг оруулж өгсөн маань хувийн хаустай болохыг зорьж байгаа хүмүүст хэрэгцээтэй мэдээлэл болсон лавтай.

Дэлхийн барилгын хөгжлийн чиг хандлага, хамгийн сүүлд баригдаж байгаа барилга байгууламжийн танилцуулгыг ч бид шинэхэн дугаартай багтааж өглөө.