Иргэдэд гэр бүлийн зориулалтаар өмчлүүлж байгаа газруудыг дэд бүтцээр хангана
Нийслэлийн Засаг даргын Тамгын газраас иргэдэд гэр бүлийн хэрэгцээнд зориулж, газар олгох ажлыг цахим хэлбэрээр зохион байгуулаад буй. Гэтэл газрыг сугалаагаар хожсон иргэд газраа өөрийн болгож авах тал дээр тун ч хойрго байгаа аж.  Иймд хотын Захиргаанаас иргэдэд  өмчлүүлж буй газрыг үнэ цэнэтэй болгох зорилгоор нийгмийн хангамж, дэд бүтцийн асуудлыг шийдэхээр зорьж байгаа аж. Саяхан уг асуудлаар нийслэлийн удирдлагууд хуралдсан бөгөөд  Төр-хувийн хэвшлийн түншлэлээр шийдвэрлэх хэрэгтэй гэсэн шийдэлд хүрсэн байна. Ингэхдээ аж ахуйн нэгжүүдэд тухайн хэсэгт тодорхой газар олгож солилцоо хийх байдлаар нийгэм, дэд бүтцийг шийдвэрлэхээр болжээ.  Урьдчилан тооцоолж төлөвлөснөөр иргэдэд газар олгох 52 байршилд доорх бүтээн байгуулалтыг хийхээр болжээ.
 

№	Газрын зориулалт	Тоо
1	Сургууль, цэцэрлэгийн цогцолбор	26
2	Цэцэрлэг	53
3	Сургууль	40
4	Үйлчилгээ	121
5	Хороо, өрхийн эмнэлэг, цагдаагийн нэгдсэн байрны цогцолбор	31
6	Нэгдсэн эмнэлэг	9
7	Гал унтраах төв	5
8	Улс, нийслэлийн төсвийн хөрөнгөөр баригдах нийгэм, ахуйн барилгын зориулалтаар эзэмшүүлэх нөөц газар	9
9	Орон сууц	259
10	Спорт цогцолбор	2
	Нийт	555