Гэр хорооллын дахин төлөвлөлтөнд хамрагдсан эхний ээлжийн айлууд түлхүүрээ гардан авлаа

Гэр хорооллын дахин төлөвлөлтөнд хамрагдсан  эхний ээлжийн айлууд түлхүүрээ гардан авлаа
     УИХ-аар батлагдсан “ Улаанбаатар хотыг 2020 он хүртэл хөгжүүлэх хөгжлийн хөтөлбөр, 2030 он хүртэл чиг хандлага”-ын баримт бичиг, нийслэлийн Засаг даргын 2013-2016 оны үйл ажиллагаа хөтөлбөрт тусгагдсаны дагуу Нийслэлийн иргэдийн төлөөлөгчдын хурал нийт 24 байршлыг Гэр хорооллын дахин төлөвлөлтөнд хамруулахаар баталсан билээ. Эдгээр байршилд нийт 16109 нэгж талбар бүхий 1547,8 га талбай хамрагдаж байна.

Нийслэлийн Иргэдийн Төлөөлөгчдийн хурлаас тогтоосон байршилд гэр хорооллын дахин төлөвлөлтийн төсөл хэрэгжүүлэх урилгыг олон нийтэд зарласнаас  одоогийн байдлаар төслийн хүрээнд 34 аж ахуйн нэгж шалгаран хэсэгчилсэн ерөнхий төлөвлөгөөний зураг төсөл боловсруулах, газар чөлөөлөлт, иргэдийг түр суурьшуулах, нийгмийн болон инженерийн дэд бүтцийн барьж байгуулах ажлыг үе шаттай хэрэгжүүлж байгаагаас 15 аж ахуйн нэгж инженерийн дэд бүтцийн болон барилгын бүтээн байгуулалтыг эрчимтэй хэрэгжүүлж байна.

СХД-ийн 5,6,7-р хорооны нутаг дэвсгэр,  Ханын материалын 130 га газарт “ Хера пропертийз” ХХК нь төсөл хэрэгжүүлэгчээр шалгаран 2013 оны 12 сарын 30нд батламжаа гардан авч, одоогийн байдлаар уг байршилд 658 нэгж талбар, 8870 хүн ам оршин сууж байгаа бөгөөд  дахин төлөвлөлтөнд хамрагдсанаар хүн ам нь 12156 болж , 62 ширхэг 9 давхар орон сууцны барилга болон 4,5 км авто замын ажил хийгдэх юм.

Өнөөдөр анхны 168 айлын орон сууцны барилгыг төсөл хэрэгжүүлэгч “ Хера пропертийз” ХХК болон туслан гүйцэтгэгч “ Бэг бүрд” ХХК –иуд амжилттайгаар ашиглалтанд оруулж байна. Ингээд гэр хорооллын дахин төлөвлөлтийн үр дүнд СХД-ийн 6-р хорооны газар нутагт өнгө нэмсэн цоо шинэхэн хоёр барилга сүндэрлэж байна. 
 
                                                                 Нээлтийн ажиллагаа 





   Нээлтийн арга хэмжээнд Улаанбаатар хотын удирдлагууд оролцлоо. 




Төсөл хэрэгжүүлэгч компаний удирдлагууд болон,  Гэр хорооллын хөгжлийн газрын удирдлагууд оролцлоо. 



                                            Морин хуурийн дуу эгшгээр нээлтийг эхлүүлж байна.





    Нийслэлийн засаг дарга бөгөөд Улаанбаатар хотын захирагч: Э. Бат-Үүл тайзнаа хэлсэн үгэндээ:
 
Анх энэхүү төслийг хэрэгжүүлж эхэлж байхад  бид маш их айдастай байсан. Газрын эзэн хөрөнгө оруулагч хоёр тохирох асуудалд санаа зовниж байсан. Үүнийг нийслэлчүүд маань дэмжиж ойлгосон явдалд энэхүү бүтээн байгуулалтын  ажил шуурхай явахад хамгийн их нөлөө үзүүлсэн юм.  Энэхүү орон сууц бол маш ховорхон орон сууцны нэг юм. Яагаад гэхлээр амьдрах иргэд нь орон сууцаа өөрсдөө хамтраад бариад явсан болохоор сэтгэл шингэсэн ховорхон орон сууц гэж дурьдсан юм.

Бидний энэ ажлыг дэмжсэн нийт нийслэлчүүддээ чин сэтгэлээсээ талархаж байгаагаа илэрхийлж байна.
Бидний сайхан амьдрал баталгаатай , Бидний ирээдүй гайхалтай байгаа гэж эцэст нь хэлмээр байна. Баярлалаа.





            “ Хера пропертийз” ХХК Ерөнхий захирал: Х. Ганхуяг тайзнаа хэлсэн үгэндээ:

Жил гаруй хугацаа өнгөрлөө өнөөдөр эхний 168 айлын орон сууцаа хугацаандаа амжилттай хүлээлгэж өгч байгаад маш их баяртай байна. Бидний бүтээн байгуулалтанд гар бие оролцсон ажилчиддаа халуун баяр хүргье. Мөн бидний ажлыг хурдан шуурхай явуулахад нөлөөлсөн Сонгино Хайрхан дүүргийн иргэддээ баярлалаа гэж хэлмээр байна. 
 

 
 " Бэг бүрд" ХХК-ны  Захирал  Ганбаатар тайзнаа хэлсэн үгэндээ: 
 
Нийслэлээс зохион байгуулсан энэхүү төсөлд манай компани туслан гүйцэтгэгчээр ажиллаад амжилттай хүлээлгэж өгч байгаадаа маш их баяртай байна. Дээр нь 168 айлын орон сууцны ажлыг эхлүүлэхэд гүн туслалцаа үзүүлсэн иргэд аж ахуйн нэгжүүддээ баярлалаа . Мөн хамтран ажилласан компанийхаа ажилчидад баярлалаа гэж хэлмээр байна. 



 Тууз хайчлах ёслолд Нийслэлийн удирдлагууд болон төсөл хэрэгжүүлж буй компаний захирлууд







   Туслан гүйцэтгэгч компаний "Бэг бүрд" ХХК ажилчид 





       Түлхүүр гардуулах ёслол 





СХД-ийн 6-р хорооны иргэн Ч. Буянхүү

Анх дэлгүүр цайны газарын зориулалтаар энэхүү байршилд 10 гаруй жил  үйл ажиллагаа явуулсан. Гэр хорооллын дахин төлөвлөлтөнд хамрагдаад  өнөөдөр цоо шинэхэн тохилог үйлчилгээний зориулалттай талбай авч байгаа явдалд сэтгэл маш өндөр байна. Энэхүү төслийг ийм хурдан хугацаанд хэрэгжүүлж үр дүнгээ хүртэж байгаад иргэдийн зүгээс сэтгэл маш хангалуун байна. Энэ хорооллын бүтээн байгуулалтын ажилд гар бие оролцсон нийт хүмүүстээ дахин чин сэтгэлээсээ баярласанаа илэрхийлж байна. Баярлалаа



СХД-ийн 6-р хорооны иргэн Р. Отгончимэг
Анх 72 метр кв  бүхий  хүнсний дэлгүүр үсчний зориулалтаар тухайн газарт хувийн бизнесээ эрхэлдэг байсан.  Гэр хорооллын дахин төлөвлөлтөнд хамрагдаад  орчин үеийн тохилог дулаахан шинэ оффистой болсонд маш их баяртай байна. Цаашид  өөрийн шинэ оффис талбайдаа манай хорооллын Ханын материалын эцэс энэ хавиар хүмүүст ойртсон үйлчилгээний төвүүд байдаггүй. Тийм болохоор оршин суугчиддаа илүү ойртуулах үүднээс Банк болон Mobicom , Unitel  зэрэг иргэдэд хамгийн хэрэгцээтэй үйлчилгээний төвүүдийн салбаруудад талбайгаа түрээслэх бодолтой байгаа.  Иимд миний бизнесийн хүрээг улам өргөжүүлж өгсөн төслийг хэрэгжүүлэгч, анх санаачилсан хотын дарга болон нийт удирдлагууддаа маш их баярлалаа гэж хэлмээр байна.



   Шинээр ашиглалтанд орж буй орон сууцны хороолол





   Доод талын 2 давхар нь үйлчилгээний төв байхаар баригдсан.





     Үйлчилгээний зориулалттай 2 давхарын талбай



  Шинэ байрны эзэн  И. Цогзолмаагийн гэрт 

 
 Аав, Ээж хоёр нь болох настан буурал Ээж П. Түмэн-Өлзий, Аав Т. Ишдорж гуайн хамт хотын удирдлагууд



Улаанбаатар хотын захирагч Э. Бат-Үүл шинэхэн байранд хадаг уяж бэлэгшээлээ.



        НИТХ-ын дарга Д. Баттулга баяр хүргэж байна. 




 

Холбоотой мэдээ