Барилгын төслүүдийн ашиглалтанд орох хугацаа
Нийт төслүүдийг ашиглалтад орох хугацаанаас нь хамааруулан үзвэл 27% буюу 10,115 айлын орон сууц ашиглалтад орсон, харин үлдсэн 73% буюу 27 мянга гаруй айлын орон сууц 2014 оны 9-р сараас хойш ашиглалтанд орохоор төлөвлөгдсөн байна.
Зураг 1.5 Нийт айлын тоо, ашиглалтад орох хугацаагаар
Ашиглалтад орон хугацаанаас хамааруулан 1м2-ын дундаж үнийг харьцуулбал ашиглалтанд орсон төслүүдийн дундаж 2,428 мян.төг 2014 оны 4-р улирлынх 2,180.9, 2015 оны 1-р улирлынх 2,335.8, 2-р улирлынх 2,787.9, 3 улирлынх 1,897.1, 4-р улирлынх 2,866.0, 2016 оны 1-р улирлынх 1,490.0 байна. Ашиглалтад орсон орон сууцны хувьд одоо баригдаж байгаа, дараагийн улирлуудад ашиглалтад орох орон сууцтай харьцуулахад өндөр үнэтэй байх хандлага ажиглагдаж байна.
2016 оны 1-р улиралд ашиглалтад орох орон сууцны төсөл нь хамгийн бага дундаж үнэтэй байгаа бол 2015 оны 2-р улиралд ашиглалтад орох орон сууцнууд хамгийн өндөр үнэтэй байна. Дараагийн сар, улирлуудад дээрх хугацаанд ашиглалтад орох орон сууцнууд ихээр нэмэгдэх учраас дундаж үнэ доорхоос харьцангуй ихээр өөрчлөгдөнө.
2016 оны 1-р улиралд ашиглалтад орох орон сууцны төсөл нь хамгийн бага дундаж үнэтэй байгаа бол 2015 оны 2-р улиралд ашиглалтад орох орон сууцнууд хамгийн өндөр үнэтэй байна. Дараагийн сар, улирлуудад дээрх хугацаанд ашиглалтад орох орон сууцнууд ихээр нэмэгдэх учраас дундаж үнэ доорхоос харьцангуй ихээр өөрчлөгдөнө.
Хүснэгт 1.2. Нийт айлын тоо ашиглалтад орох хугацаагаар
| Төслийн тоо | Айлын тоо | Дундаж үнэ (мян.төг) | |
| Ашиглалтанд орсон | 78 | 10,115 | 2,428.1 |
| 2014-Q4 | 82 | 15,411 | 2,180.9 |
| 2015-Q1 | 24 | 6,227 | 2,335.8 |
| 2015-Q2 | 20 | 3,480 | 2,787.9 |
| 2015-Q3 | 4 | 934 | 1,897.1 |
| 2015-Q4 | 4 | 907 | 2,866.0 |
| 2016-Q1 | 1 | 211 | 1,490.0 |
| Нийт | 213 | 37,285 | 2,336.2 |
Өнгөрсөн сартай харьцуулахад ашиглалтанд орсон орон сууцнуудын тоо харьцангуй нэмэгдсэн байна. 2013 оны 3-р улиралд ашиглалтанд орох байсан орон сууцнуудын ихэнх нь хугацаа хойшлогдож 4-р улиралд шилжсэн нь 2014 оны 4-р улиралд ашиглалтанд орохоор төлөвлөгдөж буй орон сууцнуудын тоог нэмэгдүүлсэн байна. Өнгөрсөн сарын хувьд 12.8 мянга гаруй орон сууц ашиглалтанд орохоор төлөвлөгдсөн байсан бол энэ сарын хувьд 15.4 мянга болж даруй 2.6 мянгаар нэмэгджээ.