Барилгын салбарынхны удирдах ажилтнуудын хамтын ажиллагааг өргөжүүлэх, чөлөөт цагийг зөв боловсон өнгөрүүлэх зорилготой “Барилга Билльярд – 2014” тэмцээн амжилттай эхэллээ. 
“Барилгын Зөвлөгөө Мэдээллийн Төв”-өөс дөрөв дэх жилдээ амжилттай зохион байгуулж байгаа Билльярдын тэмцээнд “Идиал” Групп, “Нийслэл Өргөө”, “Эрэлт Импекс”, “Ган Хийц”, “Мон Ай Жи”, “Хатантуул Өргөө”, “Хүчитгэсэн бетон хийц” зэрэг компаний нийт 40 тамирчин оролцож байгаа бөгөөд өнөөдөр бүх л өдрийн турш авьяас чадвараа сорин өрсөлдөнө.
Тэмцээнийг нээж БЗМТ-ийн Захирал Г.Батсүх “Барилгын салбарынхан маань жил бүр уламжлал болгон зохион байгуулдаг энэхүү тэмцээндээ идэвхтэй оролцож байгаад баяртай байна. Энэ жил барилгын салбарын хувьд эдийн засгийн хямрал нүүрлэсэн, хүндхэн жил байлаа. Гэсэн ч салбарынхан маань шаргуу ажилласаар байна. БЗМТ-өөс барилгын салбарынхандаа зориулан Төслийн Менежмент, Проперти Менежмент сэдвүүдээр сургалт хийхээр төлөвлөн байгаа” гээд нийт оролцогчиддоо амжилт хүслээ.
Энэ жилийн Билльярдын тэмцээн халуун дулаан уур амьсгал, эв нэгдэл, эрч хүч дор ийнхүү өрнүүн эхэлж байна.