Номын худалдааны төв энэ сард ашиглалтанд орно

Номын худалдааны төв энэ сард ашиглалтанд орно
Боловсролын их сургуулийн орчим номын худалдаа эрхлэдэг иргэдэд зориулж  “Номын худалдааны төв”-ийг энэ зунаас барьж эхэлсэн бөгөөд уг төв тун удахгүй ашиглалтанд орох гэж байгаа тухай нийслэлийн Захирагчийн ажлын албанаас мэдэгдлээ.
Энэхүү худалдааны төв ашиглалтанд орсноор хуучин ном худалдаалдаг 80 хүн ажлын байртай болох гэнэ.  Номын худалдааны төв Сүхбаатар дүүргийн нутаг дэвсгэр хуучнаар Багшийн дээдийн зүүн талд буюу Сэлбийн гүүрний хажууд баригдсан. Одоогийн байдлаар цахилгааны холболт, номын тавиуруудыг хийж байгаа юм байна.  Дотроо бие засах өрөөтэй, цэвэр бохир усны системд холбогдсон, иж бүрэн гэрэлтүүлэгтэй, паараар халдаг үүдний хэсэгтээ хөшгөн халаалттай байхаар шийджээ. Түүнчлэн нэг загварын тавиурыг  байршуулж байгаа нь худалдааны төвийн өнгө үзэмжийг сайжруулж, худалдан авагчдыг цэвэр тохилог орчинд номоо сонгох боломжийг бүрдүүлэх зорилгыг агуулжээ. Мөн барилгын гадна талд номын ерөнцийг харуулсан зургуудыг зурж,  явган хүний зам тавих бөгөөд хогны сав,  сандал байршуулж, тохилог орчинг бүрдүүлэхээр төлөвлөжээ.
Дашрамд дуулгахад уг төвд  худалдаа эрхлэх иргэд  түрээсийн төлбөр төлөхгүй бөгөөд зөвхөн ашиглалтын зардлаа л өгөх юм байна.

Холбоотой мэдээ