Дэлхийн архитекторуудын өдөр тохиож байна

Дэлхийн архитекторуудын өдөр тохиож байна
     Энэ жилийн Дэлхийн архитектурын өдөр 10 сарын 6-8-нд “ИРЭЭДҮЙН ОРОН СУУЦ” нэрийн дор болж байна. Үүнтэй холбогдуулан тус Эвлэл Барилга, хот байгуулалтын яамтай хамтран “Хот байгуулалтын форум-2”-ыг зохион байгуулж байгаагаараа онцлогтой юм.

   Монголын архитекторуудын эвлэл нь Бүгд Найрамдах Монгол Ард Улсын Сайд нарын Зөвлөлийн 1956 оны 10 дугаар сарын 23-ны өдрийн 545 дугаар тогтоолоор байгуулагдсан төрийн бус байгууллага болно. МАЭ-ийн Удирдах дээд байгууллага нь Их хурал бөгөөд 4 жилд хуралдаж Удирдах Зөвлөлийг сонгодог журамтай. Жилд нэгээс доошгүй удаа Зөвлөлгөөн хийж, цаг үеийн асуудлыг авч хэлэлцдэг болно.

   Монголын архитекторууд ОХУ \ЗХУ\, БНБАУ, БНАГУ, БНСЧСУ, БНУАУ, ХБНЮУ, БНПАУ, БНКУ, БНХАУ, БНАСАУ, БНСУ, ЯПОН, БНТУ-д  болон дотоодын Их сургуульд архитектор мэрэгжил эзэмшсэн болно. Одоо манай архитекторуудаас Төрийн шагналт, Гавъат барилгачин нэг, Төрийн шагналт нэг, Гавъяат барилгачин 12, Соёлын гавъяат зүтгэлтэн нэг төрсөн байна. 6 архитектор доктор, дэд эрдэмтэн цолтой олон архитекторууд төрөн гарсан юм.
Үе үеийн Монголын  архитекторууддаа болон залуу үеийн нийт архитекторуудад “ Дэлхийн архитекторуудын” халуун баярын мэндийг Барилга.мн хамт олноос хүргэж байна.  

Холбоотой мэдээ