Бүтээн байгуулалт ба эх орны эдийн засаг

Бүтээн байгуулалт ба эх орны эдийн засаг
         “Хямрал боллоо” гэж  улс орон даяар зарласаар байгаад хямруулчихлаа гэж сэтгүүлчдийг гоочлох нь бий.  Гэвч хэлэхгүй бол болохгүй зүйл гэж бас байдаг. Үзсэн харсанаа, сонсч дуулсан мэдээллээ бусадтай хуваалцах нь сэтгүүлчийн үүрэг мөнөөс мөн.
 2015 оны Улсын төсвийн тодотгол хийгдэхээр яригдаж байгаа энэ үед эх орны эдийн засгийн өнөөгийн нөхцөл байдлын талаар хүргэхээр бэлдлээ.
     Өнөөдрийн байдлаар төрийн сан хасах 710 тэрбум төгрөгтэй, төсөв нь алдагдалтай, улсын нийт өрийн хэмжээ ДНБ-ийн 55 хувьд хүрчихсэн байгаа нь  Төсвийн тогтвортой байдлын тухай хуулинд өрийн босго ДНБ-ий 40 хувиас хэтрэхгүй байх ёстой гэсэн заалтыг хэрэгжүүлэх боломжгүй болж байгаа юм.  

      Товчхондоо өрийн босго 55 орчим хувьтай, төсвийн цэвэр алдагдал дөрөв орчим хувьтай байна. Өнгөрсөн онд гадаадын хөрөнгө оруулалтын  хэмжээ 800 сая америк доллар байжээ. Магад энэ нь дэлхийн томоохон компанийн жилийн эргэлтийн хөрөнгийн хэмжээний мөнгө хэмээн учир мэдэх хүмүүс ярьж байна.  Мэдээж үүүнийгээ дагаад үйлдвэрлэлийн хэмжээ буурч, 2012 онд 17 хувийн өсөлттэй байсан эдийн засаг өнөөдөр зургаан хувь болж буурчээ. Улсын өр Төсвийн тогтвортой байдлын хуулиасаа давчихсан үөд төрийн болон төсвийн зүгээс эдийн засгаа тэтгэх боломж хаалттай болж байна.  Ийм л хэцүүхэн нөхцөл байдалд бид 2015 оныг угтаж байна.
Мөн тун удахгүй  2017 оноос  улс бондын өрөө төлж эхлэх бөгөөд энэ нь улсын төсөвт маш их хэмжээний өрийн дарамт болох нь тодорхой.
Энэ бүхэн бүхий л салбарт нөлөөлнө. Барилга бүтээн байгуулалтын салбарт хэрхэн нөлөөлөх вэ? мэдээж хүн бүр өөр өөрийн таамаглалыг дэвшүүлж суугаа нь лавтай. Хамгийн энгийн жишээ: Засгийн газар экспортыг дэмжиж, импортыг орлох бүтээгдэхүүн үйлдвэрлэхийн тулд зайлшгүй баталгаа гаргаж өгдөг. Гэтэл өрийн босго хуулиа давчихсан учраас ийм боломж Төр засагт байхгүй болов. Угаас импортоос хамааралтай энэ салбарт дотоодын үйлдвэрлэл хэрхэх бол, ханшийн зөрөө, орон сууцны борлуулалт энэ салбарт санаа чилээх зүйл юутай олон...
Өнгөрсөн онд барилга бүтээн байгуулалтын салбарт 160 тэрбум төгрөг төсөвлөгдөж байсан бол энэ жил 60 тэрбум болж буурчээ. Төсвийн тодотголоор хэд болж буурахыг хэлж үл мэднэ.
Үргэлжлэл бий...
 

Холбоотой мэдээ