“Платц” Олон улсын эрчим хүчний шагналын \Platts Global Energy Awards\ хороо эрчим хүчний аж үйлдвэрийн салбарт гарсан шилдэг манлайлал, шинэлэг арга барил, үйл ажиллагаа зэргийг шалгаруулж шагнадаг уламжлал тогтоод 15 жилийг үдэж буй билээ.
Эрчим хүчний салбарынхны хамгийн нэр хүндтэй уг  шагналд жил бүр 30 шахам орны  200 гаруй нэр дэвшигчийг санал болгодог. Тэдгээрийг шинжлэх ухааны тэргүүлэх эрдэмтэд, хууль тогтоогчид, эрчим хүчний сайд нар, аж үйлдвэрийн салбарын тэргүүлэх мэргэжилтнүүдээс бүрдсэн сонгон шалгаруулах шүүгчдийн бүрэлдэхүүн хянаж шилдэгийг нь тодруулдаг аж. “Платц” Олон улсын эрчим хүчний шагнал \Platts Global Energy Awards\ гардуулах хүндэтгэлийн ёслолын энэ жилийн арга хэмжээ 12 дугаар сарын 11-нд Нью-Йорк хотноо зохиогдсон байна. 
 
Энэхүү ёслолын үеэр "Шнайдер Электрик" нь Эрчим хүчний үр ашигт чиглэсэн (Energy Action Program) хөтөлбөр хэрэгжүүлж улмаар үр дүнд хүрсэн тул  “Арилжааны эцсийн хэрэглэгчдэд чиглэсэн эрчим хүчний хэмнэлтийн талаарх санаачлага” гэсэн төрлөөр Шилдэг манлайлагчийн (Stewardship Award) шагнал хүртсэн юм. Уг шагналыг стратегийн алсын хараа, аж үйлдвэрийн манлайлал, хариуцлагатай удирдлага, шинэлэг технологи зэрэг чиглэлээр томоохон ахиц гаргасан байгууллагад олгодог.