Ч.Сайханбилэгийн Засгийн газар бүрэлдэхэд Барилгын салбарыг Д.Цогтбаатар толгойлох болсон. Шинэ сайд ажлаа авсанаас хойш салбарын төрийн болон мэргэжлийн төрийн бус байгууллагуудтай уулзаж, өнөөгийн нөхцөл байдлын талаар ярилцаж  буй тухайгаа өөрийн нүүр номоороо дамжуулан хуваалцаж байгаа юм. Тэрбээр өнөөдөр Барилгын материал үйлдвэрлэгчдийн холбоо /МБМҮХ/-ны төлөөлөлтэй уулзаж, барилгын материал үйлдвэрлэлийн өнөөгийн байдал, технологийн шинэчлэл, үндэсний үйлдвэрүүдийн өрсөлдөх чадварыг нэмэгдүүлэх талаар ярилцсан байна. Тэрбээр ажлаа авсан даруй Барилгын Үндэсний ассиоциаци,  Монголын Барилгын ахмадын хороо,  Барилгачдын холбоо, Барилгын хөгжлийн үндэсний нэгдсэн төв зэрэг мэргэжлийн төрийн бус байгууллагынхантай уулзаж, санал солилцоод байгаа юм.