Монголын Барилгын инженерүүдийн холбоо Япон, Солонгос, Пакистаны инженерүүдийн нийгэмлэгтэй хамтран уг семинарыг өнөөдөр Чингис зочид буудлын хурлын танхимд зохион байгууллаа.  Энэхүү семинарт Япон, Солонгос, Тайван, Филлипин зэрэг улс орнуудын барилгын инженерүүдийн нийгэмлэгийн удирдлагууд хүрэлцэн иржээ.  Пакистаны барилгын инженер холбооны удирдалгууд хүндэтгэх шалтгааны улмаас ирж чадаагүй байна. Тус семинарыг Монголын Барилгын Инженерүүдийн Холбоо 2005 оноос эхлэн жил бүр зохион байгуулдаг аж. Энэ удаагийн семинар нь 10 дахь удаагийнх юм.
  Олон сонирхолтой илтгэлүүдийг тавигдаж, асуулт хариулт явагдсан.Энэ семинарт гадаадын зочид төлөөлөгчид болон БХБЯ, БХҮНТ, МБМҮХ-ны төлөөлөл, барилгын салбарт ажиллаж буй залуу инженерүүд гэсэн нийт 120 гаруй хүмүүс хамрагдлаа. ШИТУС-ийн Барилга, инженер, архиктектурын сургуулийн профессор Д.Дашжамц, С.Нямдорж, доктор Ж.Алтанцэцэг, Японы Барилгын технологийн судалгааны багийн ахлагч Хироаки Мятазе нар илтгэл тавьсан.
Гадаадын зочид төлөөлөгчид өөрсдийн улсад барилгын геотехникийн асуудлыг хэрхэн шийдэж, төр засгаас ямар бодлого хэрэгжүүлдэгээ танилцуулав.

 Маргааш буюу 06 дугаар сарын 14-ны Бямба гарагт 09 цагт  “Барилгын салбарын эрх зүйн орчинг сайжруулах, хөгжүүлэх” сэдвээр олон улсын дугуй ширээний ярилцлага МҮХАҮТанхимд болох юм. Тус дугуй ширээний ярилцлаганд БХБЯ, Барилгын Хөгжлийн Нэгдсэн Төв, Япон, Солонгос, Филиппин, Тайваны барилгын инженерүүдийн холбоны удирдлагууд болон Япон улсын Дэд бүтэц, Зам тээвэр, Аялал жуулчлалын яамны сайдын нарийн бичгийн дарга Ёошитака Морито нар  тус тус оролцоно.