Явган зорчигчийн аюулгүй байдлыг хангах үүднээс гүүрэн гарцыг олноор байгуулах нь хотын тулгамдсан асуудлын нэг билээ. Баяр наадам ойртож буй энэ өдрүүдэд Төв Цэнгэлдэх хүрээлэн орчмын хөдөлгөөнд анхаарч гүүрэн гарцыг шинээр угсарч эхэлсэн байна. Хан-Уул дүүргийн 1-р хороо буюу 120 мянгатын автобусны буудлын хажууд гүүрэн гарц байгуулах ажил эхэлсэн бөгөөд шилэн фасад, сэндвичэн дээврийг угсрахаар тэр орчмын замын хөдөлгөөнийг өнөө шөнө түр хаахаар болжээ.