“Барилга.МН” сэтгүүлийн шинэхэн дугаарыг уншигч таны гар дээр өргөн барьж байна.
Манай энэ удаагийн дугаарт “Ган хийц” ХК-ийн захирал М.Даваасүрэн ажил үйлс болоод амьдралынхаа талаар дэлгэрэнгүй ярилцлаа.
      Түүнчлэн барилгын төсвийн үнэ бүрдлийг тооцох аргачлал буюу Зам тээвэр барилга хот байгуулалтын сайдын 18, 181 дүгээр тушаалыг хүчингүй болгох тогтоолыг УИХ-аас гаргасантай холбогдуулан салбарын хүмүүсийн санал бодлыг тусгасан нийтлэл, ярилцлага,  “Эрхээ хасуулсан хүмүүс” буюу орон сууцны хорооллын оршин суугчдын  ая тухтай орчинд амьдрах эрх зөрчигдөж буй тухай, газраас үүдэлтэй маргаан, цемент ачигчдын ажлын нэг өдрийн сурвалжлага зэрэг олон уншвартай мэдээллүүд  энэ удаагийн дугаарт багтсан байгаа.
Мөн уншигч таны  амьдрал ахуйд хэрэг болохуйц олон сонирхолтой барилгын засвар үйлчилгээний талаарх мэдээ мэдээлэл, заавар зөвлөгөөг зөвхөн “Барилга.МН” сэтгүүлээс авах боломжтой юм.
         Мэдээж уламжлал ёсоор нийслэл хот дахь шинэ орон сууцны үнэ  болон барилгын материалын хамгийн сүүлийн үеийн ханшийн дэлгэрэнгүйг толилууллаа.

        Эрхэм уншигч та сэтгүүлийнхээ шинэхэн дугаарыг номын дэлгүүрүүд, “Номин” их дэлгүүр, “Макс”-ын сүлжээ дэлгүүрүүд, мөн дурын сонин борлуулах цэгүүдээс худалдан авч уншаарай.