Тавилга бол гэрийн доторх чухал бүрэлдэхүүний нэг. Санхүүгийн байдлаас шалтгаалан гэртээ зайлшгүй хэрэгцээтэй байгаа тавилгаа худалдан авч чадахгүй байгаа эсвэл хуучирч муудсан тавилгаа шинэчилж чадахгүй байгаа хүмүүст зориулан энэхүү мэдээллийг хүргэж байна. Мөн өөрийн санаанд яг тохирсон тавилгаа олж чадахгүй байгаа хүмүүс ч бас анхаарч үзэхэд зүгээр болов уу.
Нэг үеийг бодвол манайд бүхий л зүйл байдаг болсон. Бидний нэрлэж заншсанаар 100-н айлын зах дээр тавилгын бүхий л төрлийн материал байх бөгөөд хэрэглэгчдийн хүссэн хэмжээгээр зүсээд өгдөг юм байна лээ. Ялангуяа ханын тавиур, шүүгээ, гал тогооны тавилгыг худалдаж авснаас илүүтэй өөрийн санаанд тохирсон материалыг хүсч буй загварын дагуу зүслүүлж, тайруулаад угсрах нь сэтгэл ханамж ч өндөр байхаас гадна эдийн засагт ихээхэн хэмнэлттэй. Зүсүүлж авсан материалд ирмэг нааж өгөх үйлчилгээ ч бас байдаг юм билээ. Хэдийгээр  материал бэлэн байгаа ч загварын санаа байхгүй бол тавилгаа хийж чадахгүй нь ойлгомжтой. Энэ удаа ханын стенкний хэд хэдэн загварыг толилуулъя. Үүнээс санаа аваад гоёмсог ханын стекийг урлана гэдэгт итгэлтэй байна.