“Дэлхийн брэндийг эх орноосоо...” уриатай “Энэмог” ХХК олон улсад хүлээн зөвшөөрөгдсөн  брэндүүдийг эх орондоо оруулж эхэлснээс хойш найман хаврыг үдээд байна. Энэ хугацаанд манай компани АНУ-ын KOHLER, Италийн SMEG зэрэг дэлхийд алдартай брэнд бүтээгдэхүүнийг Монголд албан ёсны онцгой эрхтэйгээр худалдаалснаар хамгийн хямд үнээр брэндийн чанарыг  монголчууддаа хүргэж байна.

Гэр бүлдээ хамгийн сайныг зориулдаг хэн бүхэн “River garden” хотхонд байрладаг “Kohler, Smeg” брэндийн үзэсгэлэнгийн танхимаар зочлох дуртай. Гал тогоо, угаалгын өрөөний дээд зэрэглэлийн тансаг чамин, сонгодог хийцийн гоё чамин хэрэгслээс эхлээд энгийн даруу ч чанар мэдрэгдсэн олон сонголт энд бий. Дэлгүүр гэхээсээ илүүтэй үзэсгэлэн мэт сэтгэгдэл төрүүлдэг энэ танхим дахь бүтээгдэхүүн бүхэнд өөр өөрийн урлагийн хийц шингэсэн байдаг. Энэ нь манайд зочилсон хүн бүхэнд төгс төгөлдөр таатай мэдрэмжийг төрүүлдэг билээ. Үүнд л дэлхийн брэнд хэмээн хүлээн зөвшөөрөгдөх хүртлээ 100 гаруй жилийн түүхийг туулсан алдартай брэндүүдийн нууц оршдог. 

Ванны өрөөний хэрэгслээрээ дэлхийд танигдсан KOHLER брэндийг монголчууд андахгүй. АНУ-аас гаралтай энэ алдартай брэндээр сүүлийн үед баригдаж буй дээд зэрэглэлийн орон сууцны хотхонууд ванны өрөөнийхөө чанарын баталгааг тодотгох болсон. Харин тансаг чамин, чанартай чансаатай бүтээгдэхүүн эрхэмлэгч эзэгтэй нар хамгийн сүүлийн үеийн шинэ, шилдэг технологи, загвар бүрийг эх орондоо сонгон захиалж, хайртай дотны хүмүүстээ хамгийн таатай орчныг бүрдүүлдэг болсон нь манай хамт олны хувьд нэр хүндийн баталгаа билээ.

Чанар, нэр хүндийг эрэлхийлэгч Та бүхэндээ  хамгийн сайн брэндийг зах зээлийн хамгийн таатай үнээр санал болгох нь тэнгэр язгуурт монголчууддаа дээдийн дээдийг эдэлж, хэрэглүүлэх бидний эрхэм зорилго билээ.

Цаашид Монголынхоо хэрэглэгчдэд дэлхийн брэндийг эх орондоо сонгон захиалж, дэлхийн зиндаатай хөл нийлүүлэх боломжийг манай хамт олон нээсээр байх болно.