Төрийн орон сууцны санхүүжилтын корпораци /ТӨССК/-ийн захиалгаар баригдаж байгаа “Буянт-Ухаа” хорооллын эхний хэсэг ашиглалтанд ороход бэлэн болж, саяхан оршин суух иргэдээ сугалаа сугалах зарчмаар сонгосон билээ. Гэвч сугалаагаар байрандаа орох эрхтэй болсон иргэдийн дөнгөж 50 орчим хувь нь л урьдчилгаа төлбөрөө төлсөн байна. Уг нь сугалааны тохирол явагдаж дууссанаас хойш 10 хоногийн дотор худалдаж авах байрны урьдчилгаа 30 хувийг төлсөн байх шаардлагатай юм байна. Иймд ТОССК-аас заасан хугацаанд урьдчилгаа төлбөрөө төлж чадаагүй болон банкны шалгуур хангаж чадахгүй байгаа иргэдийг хасч дахин сугалаа явуулахаар төлөвлөж байгаа аж. Сугалааг хэзээ дахин явуулах нь одоогоор тодорхойгүй байна.