Барилгын салбарынхан тэр тусмаа ногоон барилгынханд зориулсан нэгэн том үзэсгэлэн АНУын   Луизиана  мужийн  Нью Орлеанс  хотод ирэх сарын 22-24-ний өдрүүдэд болох гэж байна. “Ногоон барилга” буюу  / Green build expo 2014 / хэмээх энэхүү үзэсгэлэнд архитектор, инженер мэргэжлийн хүмүүсээс гадна барилга угсралтын компаниуд,  барилгын эзэд,  ногоон барилгын зөвлөлийнхөн,  Засгийн газрын агентлагууд,  хот төлөвлөлтийн газар болон орон сууцны конторууд,  их, дээд сургууль болон боловсролын байгууллагын төлөөллүүд, үл хөдлөх хөрөнгийн  компаниуд, дотоод засал чимэглэлийн компаниудын төлөөллүүд оролцох боломжтой гэнэ. Үзэсгэлэнд оролцох хүсэлтэй аж ахуйн нэгж, иргэнийг Барилгын хөгжлийн төвийн  Гадаад харилцааны албанд бүртгэж байгаа бөгөөд  
Байгаль орчны халаалт, хөргөлтийн систем
Банкууд болон даатгалын компаниуд
Цахилгаан болон Гэрэлтүүлэг
Сэргээгдэх эрчим хүч
Барилга угсралтын компани
Засвар үйлчилгээ тоног төхөөрөмж
Машин
Уран зураг
Хаалга, цонх 
Дизайн
Барилгын аюулгүй байдал ба автоматжуулалт
Программ хангамж
Дээврийн үйл ажиллагаа явуулдаг компаниудыг оролцохыг урьж байгаа юм. Үзэсгэлэнгийн хураамж 4500$ байх ба зардалд онгоцны  билетний үнэ, зочид буудал,хөтөч, унаа, үзвэр, визний хураамж, бэлэг дурсгал, зохион байгуулалтын зардлууд орсон гэнэ. Тухайн компанийн удирдах албан тушаалтан болон инженер, менежерийн  түвшний хүн байх шаардлагатай аж.