“Барилга-Орон сууц” үзэсгэлэн нээлтээ хийлээ
Монгол улсад барилгын салбар үүсч хөгжсөний 88 жилийн ойн баярыг тохиолдуулан зохион байгуулагдаж буй “БАРИЛГА ОРОН СУУЦ-2014” үзэсгэлэн яармаг өнөөдөр “Мишээл экспо” төвд нээлтээ хийлээ.
Улс орны хөгжлийг тодорхойлогч барилгын салбарт шинэ дэвшилтэт технологи нэвтрүүлэх, барилгын салбарын өнөөгийн хөгжлийг олон нийтэд таниулан сурталчилах, иргэдийг орон сууц, ипотекийн мэдээллээр хангах зорилготой “БАРИЛГА ОРОН СУУЦ” үзэсгэлэн яармаг 7 дахь жилдээ зохион байгуулагдаж байгаа нь энэ юм. Үзэсгэлэн яармагийн нээлтэнд Барилга хот байгуулалтын дэд сайд Г.Байгалмаа, Нийслэлийн Засаг даргын Хот байгуулалт, Хөрөнгө оруулалт хариуцсан орлогч С.Очирбат болон “Барилга-Орон сууц 2014” үзэсгэлэнг зохион байгуулах хорооны дарга, Барилгын хөгжлийн нэгдсэн төвийн гүйцэтгэх захирал Г.Батсүх нарын албаны хүмүүс оролцсон юм.
Түүнчлэн үзэсгэлэнгийн нээлтэнд Монгол улсын гавьяат жүжигчин Н.Амгалан болон Хүүхдийн ордоны авьяаслаг сурагчид оролцож ая дуугаа өргөлөө.
“Барилга-Орон сууц”үзэсгэлэн яармагт 10 гаруй орны барилгын материалын үйлдвэрлэгч, машин механизм, тоног төхөөрөмж нийлүүлэгчид болон ландшафт, интерьер дизайны компаниуд, ипотекийн 8% зээл олгож байгаа арилжааны банкууд, Улаанбаатар хотод орон сууц барилга барьж байгаа компаниуд зэрэг нийт 120 аж ахуйн нэгж оролцож байгаа бөгөөд барилгын салбарт нэвтэрч байгаа орчин үеийн дэвшилтэт техник технологи, барилгын материал, тоног төхөөрөмж болон эрчим хүчний хэмнэлттэй барилга, хаусын шийдлийг дэлгэн үзүүлнэ.
Мөн энэхүү өдрүүдэд "Саруул", "Нарны Хороолол", “X Apartment", "Хүннү 2222", "Хангай”, "Шинэ Налайх", "Комфорт Апартмент" зэрэг 60 гаруй энгийн стандарт болон тансаг зэрэглэлийн орон сууц, хотхон, хороолол барьж байгаа компаниуд оролцож барилгачдын баярыг тохиолдуулан хямдрал урамшуулал зарлан иргэддээ бэлэг барьж байна.
Үзэсгэлэн яармагийн ерөнхий зохион байгуулагчаар “Барилга.МН” БЗМТөв, хамтран зохион байгуулагчаар БХБЯам, БХҮНТөв, ерөнхий ивээн тэтгэгчээр “Империал Кастел” ХХК оролцож байгаа бөгөөд 3 өдрийн турш үргэлжлэх юм.
Улс орны хөгжлийг тодорхойлогч барилгын салбарт шинэ дэвшилтэт технологи нэвтрүүлэх, барилгын салбарын өнөөгийн хөгжлийг олон нийтэд таниулан сурталчилах, иргэдийг орон сууц, ипотекийн мэдээллээр хангах зорилготой “БАРИЛГА ОРОН СУУЦ” үзэсгэлэн яармаг 7 дахь жилдээ зохион байгуулагдаж байгаа нь энэ юм. Үзэсгэлэн яармагийн нээлтэнд Барилга хот байгуулалтын дэд сайд Г.Байгалмаа, Нийслэлийн Засаг даргын Хот байгуулалт, Хөрөнгө оруулалт хариуцсан орлогч С.Очирбат болон “Барилга-Орон сууц 2014” үзэсгэлэнг зохион байгуулах хорооны дарга, Барилгын хөгжлийн нэгдсэн төвийн гүйцэтгэх захирал Г.Батсүх нарын албаны хүмүүс оролцсон юм.
Түүнчлэн үзэсгэлэнгийн нээлтэнд Монгол улсын гавьяат жүжигчин Н.Амгалан болон Хүүхдийн ордоны авьяаслаг сурагчид оролцож ая дуугаа өргөлөө.
“Барилга-Орон сууц”үзэсгэлэн яармагт 10 гаруй орны барилгын материалын үйлдвэрлэгч, машин механизм, тоног төхөөрөмж нийлүүлэгчид болон ландшафт, интерьер дизайны компаниуд, ипотекийн 8% зээл олгож байгаа арилжааны банкууд, Улаанбаатар хотод орон сууц барилга барьж байгаа компаниуд зэрэг нийт 120 аж ахуйн нэгж оролцож байгаа бөгөөд барилгын салбарт нэвтэрч байгаа орчин үеийн дэвшилтэт техник технологи, барилгын материал, тоног төхөөрөмж болон эрчим хүчний хэмнэлттэй барилга, хаусын шийдлийг дэлгэн үзүүлнэ.
Мөн энэхүү өдрүүдэд "Саруул", "Нарны Хороолол", “X Apartment", "Хүннү 2222", "Хангай”, "Шинэ Налайх", "Комфорт Апартмент" зэрэг 60 гаруй энгийн стандарт болон тансаг зэрэглэлийн орон сууц, хотхон, хороолол барьж байгаа компаниуд оролцож барилгачдын баярыг тохиолдуулан хямдрал урамшуулал зарлан иргэддээ бэлэг барьж байна.
Үзэсгэлэн яармагийн ерөнхий зохион байгуулагчаар “Барилга.МН” БЗМТөв, хамтран зохион байгуулагчаар БХБЯам, БХҮНТөв, ерөнхий ивээн тэтгэгчээр “Империал Кастел” ХХК оролцож байгаа бөгөөд 3 өдрийн турш үргэлжлэх юм.