ССАЖЯ-наас  “Монголын Үндэсний Археологийн Музей”-н барилгын эскиз зураг шалгаруулах уралдаан өнгөрсөн арванхоёрдугаар сард зарлаж байсан. Тэгвэл өчигдөр шилдэг эскиз зургийн бүтээлийн эздийг тодруулж, шагнал гардууллаа.

“Монголын Үндэсний Археологийн Музей”-н барилгын эскиз зургийн уралдаанд,  

• Монгол
• Унгар
• Япон
• Хятад
• Солонгос зэрэг орны уран бүтээлчдээс 22 зураг төсөл иржээ.

Эдгээрээс гурвыг нь шилдгээр тодруулж, өргөмжлөл үнэ бүхий зүйлээр шагнав. Журам ёсоор тэргүүн байртшалгарсанбүтээлийг  “Монголын Үндэсний Археологийн Музей”-н барилга барих компанид шилжүүлэн өгч, удаах хоёр бүтээлээс авч болох санаа, шийдлийг мөн тусгахажээ.

• I байр: “Барна Архитект” ХХК /Унгар улсын компани/

• II байр: С.Дэлгэр, Ж.Дэлгэрбаяр, О.Золзаяа /чөлөөт уран бүтээлч/

• III байр: С.Очир-Эрдэнэ /чөлөөт уран бүтээлч/ нар тус тус шалгарав.

Тэдний шагналыг ССАЖ-ын сайд Ц.Оюунгэрэл гардуулсан бөгөөд уралдаанд ирсэн бүтээлүүдэд дараах шаарлагыг тавьсан.

“Монголын Үндэсний Археологийн Музей”-н байгууламж нь:

• "Чулуун зэвсэг",
• "Хүрэл зэвсэг",
• "Төмөр зэвсэг",
• "Уйгарын үе",
• "Киданы үе",
• "Монголын эзэнт гүрний үе" гэсэн зургаан танхимаас бүрдсэн байх ёстой байв. 

      Иймд уралдаанд оролцогч уран бүтээлчид энэ бүхнийг тооцоолж, бодож, сэтгэж зураг төсөлдөө тусгаж, Монголын Үндэсний Археологийн Музейн шинэ төрхийг тодорхойлжээ. Дашрамд дурьдахад, энэхүү уралдаан нь ССАЖЯамнаас зохион байгуулж буй музейн эскиз зураг гаргах уралдааны эхлэл бөгөөд энэ ондоо багтаан Дүрслэх Уурлагийн шинэ музей, Байгалийн түүхийн музей, Угсаатны зүйн музейн аялал жуулчлалын цогцолбор гэсэн гурван музейн концепцийг бэлэн болгож эскиз зургийн уралдаан зарлахаар бэлдээд байгаа аж.