Түүхийн нэгэн гэгээлэг он болсон 2013 оноо  үдэж,  2014 онтойгоо золгох гэж байна.  

         Үдэж буй 2013 оноо манай барилгын салбарынхан амжилт арвинтай үдэж байна. Барилга угсралтын ажлын гүйцэтгэл 2013 онд өмнөх оныхоо мөн үеийн байдлаас өсөж, барилгын салбарт мэргэжилтэй ажилчдын тоо 3100-аар, ажлын байр 12 мянгаар нэмэгдэж, 20224 айлын орон сууц ашиглалтанд орлоо.

         Нийслэл хотын гэр хорооллын дахин төлөвлөлтийн ажил эхэлж, дэд бүтцийн өргөтгөл, шинэчлэлтийн ажлууд хийгдэж байна. 2014 онд аймгуудыг холбох авто зам, төмөр замын сүлжээний шинэ замууд байгуулах ажлууд эрчимтэй явагдаж, цементийн шинэ үйлдвэрүүд түрүүчээсээ ашиглалтанд орно.       

       Энэ мэт ард түмний минь хүсэл мөрөөдлийн биелэл болж, хүлээлттэй байгаа бүтээн байгуулалтын олон сайхан ажил үйлс бодит ажил болон хэрэгжинэ. Ингээд барилгын салбарын нийт ажилтан, албан хаагчид, мэргэжилтнүүд болон сэтгүүлийн захиалагч, уншигчиддаа эрүүл энх, ажлын амжилт , баяр баясгаланг ерөөж, шинэ оны баярын мэнд дэвшүүлье.