“Барилга экспо 2014” үзэсгэлэн эхлэхэд 1 хоног үлдлээ

“Барилга экспо 2014” үзэсгэлэн эхлэхэд 1 хоног үлдлээ
 
         Иргэн та эрчим хүчний хэмнэлтэй, эрүүл мэндэд хор нөлөөгүй, чанартай, хямд төсөр хувийн сууцтай болохыг хүсч байна уу? Халаалт, бохирын асуудлаа хэрхэн шийдэхээ мэдэхгүй эргэлзэж байна уу?  Энэ бүх асуудлыг шийдэхэд тань “БАРИЛГА ЭКСПО-2014” олон улсын барилгын үзэсгэлэн яармаг үнэтэй зөвлөмж, оновчтой гарц болно.

         Та бидний хүсч буй байшин барилгад ашигласан бүхий л материал нь хүний бие, байгаль орчинд сөрөг нөлөөгүй, хүний амьдрах ая тухтай байдлыг бүрэн хангасан ус, эрчим хүчний хэмнэлтэй барилгыг дэлхий нийтэд “Ногоон барилга” гэдэг.  Дэлхий нийтийн энэ чиг хандлагыг соргогоор хүлээн авч, хэрэгжүүлж буй “Барилга Экспо 2014” үзэсгэлэн яармаг “Ногоон барилга бидний ирээдүй” уриатайгаар 2 үе шаттайгаар зохион байгуулагдана. Гадаад, дотоодын 200 гаруй компани бүтээгдэхүүн үйлчилгээгээ дэлгэх энэхүү үзэсгэлэнгийн эхний хэсэг болох “Барилгын материал, Дэвшилтэд технологийн үзэсгэлэн” 4-р сарын 25-27-ны өдрүүдэд дэлгэгдэх бол хоёр дахь хэсэг “Орон сууц, Хаус дизайны үзэсгэлэн” 5-р сарын 02-04-ний өдрүүдэд “Мишээл экспо” төвд үргэлжилнэ.

Үзэсгэлэнгийн эхний хэсэг “Барилгын материал, Дэвшилтэд технологи” үзэсгэлэн. Үндэсний үйлдвэрлэгчид болоод дэлхийн шилдэг брендийн эрчим хүчний хэмнэлтэй хаалга, цонх, цахилгаан сантехник, дулаалгын материал, төмөр хийц, тоног төхөөрөмж, механизм, агааржуулалт гэх мэт сүүлийн үед ногоон барилгад ашиглагдаж байгаа бүтээгдэхүүнүүд энд дэлгэгдэх юм. Тухайлбал сүүлийн үед хэрэглэгчдийн таашаалд ихэд нийцээд буй нарны энергээр ус халаах төхөөрөмж, арматур тасдах, зангидах гар ажиллагааг халсан Япон тоног төхөөрөмжүүд, шингэн керамик дулаан тусгаарлагч, Монголд анх удаа үйлдвэрлэж буй шинэ технологийн хэв хашмал гэх мэт олон сонирхолтой бүтээгдэхүүнийг уг үзэсгэлэнгээс үзэж танилцах боломжтой.
  “Барилга Экспо-2014” олон улсын барилгын үзэсгэлэн яармагийг  БХБЯ, ТОССК, НЗДТГ, НГХХГ, БМҮХ, БХҮНТ зэрэг төрийн болон мэргэжлийн төрийн бус байгууллагууд дэмжин, хамтран зохион байгуулагчаар ажиллаж байна. 
Үзэсгэлэнгийн үеэр иргэдэд зориулсан хямдрал урамшуулал, зөвлөгөө, уулзалтыг зохион байгуулах бөгөөд сонирхсон хүн бүрийг хүрэлцэн ирэхийг урьж байна.

“Барилга Экспо-2014” олон улсын  барилгын  үзэсгэлэн яармагийн хоёр дахь хэсэг “Орон сууц, Хаус дизайны үзэсгэлэн” нийслэл хотод захиалга авч буй 60 гаруй хотхон, хороололтой танилцаж, 8 хувийн ипотекийн зээлд хамрагдах боломжоор хангах бөгөөд “Жигүүр гранд”, “Макс өргөө”, “Номин”  зэрэг нэр хүндтэй 100 гаруй барилгын компаниуд оролцох юм.

Ерөнхий ивээн тэтгэгч: “Империал кастел”  ХХК
Ерөнхий зохион байгуулагч: Барилга. МН             
 

       

Холбоотой мэдээ